11.08.2026 | 14:29
Արթուր Ղարիբյանն արժանացել է բարձր գնահատականի ու ընդգրկվել տուրի խորհրդանշական հավաքականում. ԼՈՒՍԱՆԿԱՐ
Միայն Մարտի 1-ի գործով վերջին 6 ամիսներին հարցաքննվել են հազարից ավելի անձինք. ՀՔԾ պետ
Հասարակություն
28.11.2018 | 13:42
Միայն Մարտի 1-ի գործով վերջին 6 ամիսներին հարցաքննվել են հազարից ավելի անձինք: Այսօր՝ նոյեմբերի 28-ին, ՀՀ Հատուկ քննչական ծառայության օրվան նվիրված միջոցառման ժամանակ այս մասին տեղեկացրեց ծառայության ղեկավար Սասուն Խաչատրյանը:
«Գործի շրջանակում կատարվել են 40-ից ավելի խուզարկություններ, քաղաքացիներից և պետական տարբեր հիմնարկներից կատարվել են 85 առգրավումներ, նշանակվել է 23 փորձաքննություն, այդ թվում՝ բարդ համալիր: Փորձաքննության է ներկայացվել 146 միավոր հրազեն, մեծ քանակությամբ զինամթերք»,- հավելեց ՀՔԾ պետը:
Ինչ վերաբերում է գեներալ Մանվել Գրիգորյանի գործին. Սասուն Խաչատրյանի տեղեկացմամբ՝ նրա անշարժ գույքի մի մասը ձեռք է բերվել խախտումներով: «Պարզվել է, որ Մանվել Գրիգորյանին պատկանող տարածքում հայտնաբերված անշարժ գույքի փաստաթղթերի մի մասը ձեռք է բերվել խախտումներով: Արդեն դիմել եմ տարածքային կառավարման ու զարգացման նախարարին, որ 40 անուն անշարժ գույքը վերադարձվի համայնքին»,- հավելեց նա:
Այս գործով կատարվել է ավելի քան 200 հարցաքննություն, 70-ից ավելի խուզարկություն, ՀՔԾ-ն գրություններ է ուղարկել 15 երկիր:
