19.06.2026 | 18:02
Երբ տվյալն ու բառը փոխում են ամբողջ իմաստը․ գործընկերային պարզաբանում Fip-ի պարզաբանմանը
ԱՄՆ-ի հետ բանակցությունները սահմանափակված են Թեհրանի «կարմիր գծերով»․ Ղալիբաֆ
Քաղաքականություն
19.06.2026 | 16:29
Իրանի գլխավոր բանակցող Մոհամմադ Բաղեր Ղալիբաֆը հայտարարել է, որ Միացյալ Նահանգների հետ բանակցությունները կսահմանափակվեն Թեհրանի «կարմիր գծերով»։
«Ինչպես մենք ցույց ենք տվել բանակցությունների ընթացքում՝ մենք անսասան ենք սահմանված պայմանների և կարմիր գծերի կատարման, ինչպես նաև իրանական ազգի շահերի իրականացման հարցում։ Եթե թշնամին փորձում է չափազանց գործողություններ, մենք ապացուցել ենք, որ մեր մատները ձգանի վրա են, և մենք չենք տատանվում թշնամուն ջախջախիչ պատասխան տալու հարցում»,- ասել է Ղալիբաֆը իրանական պաշտոնական IRNA լրատվական գործակալության կողմից հրապարակված հայտարարության մեջ։
Ղալիբաֆի մեկնաբանությունները հնչում են այն բանից հետո, երբ Իրանի գերագույն առաջնորդ Մոջթաբա Խամենեին հայտարարել էր, որ ինքը հավանություն է տվել ԱՄՆ-Իրան համաձայնագրին՝ չնայած այս հարցի վերաբերյալ «տարբեր տեսակետ» ունենալուն։ Պետական հեռուստատեսությամբ ընթերցված ուղերձում Խամենեին ասել էր, որ Միացյալ Նահանգների հետ ուղիղ բանակցությունները «չեն նշանակի թշնամու տեսակետի ընդունում»։
Խամենեիի ուղերձին ի պատասխան՝ Իրանի արտգործնախարար Աբբաս Արաղչին ասել է, որ երկրի արտաքին քաղաքականության ապարատը «կօգտագործվի Իրանի վեհ շահերն ապահովելու» և «ազնիվ իրանական ազգի իրավունքները պաշտպանելու համար»։
Թարգմանությունը՝ Էմմա Չոբանյանի
