11.08.2026 | 14:29
Արթուր Ղարիբյանն արժանացել է բարձր գնահատականի ու ընդգրկվել տուրի խորհրդանշական հավաքականում. ԼՈՒՍԱՆԿԱՐ
ՀՔԾ-ում քննվող քրեական գործերով փաստացի վերականգնվել է 135 մլն դրամի նյութական վնաս. Սասուն Խաչատրյան
Հասարակություն
28.11.2018 | 13:24
Հատուկ քննչական ծառայությունում քննվող քրեական գործերով, այս պահի դրությամբ, փաստացի վերականգնվել է 135 մլն դրամի նյութական վնաս: Այսօր՝ նոյեմբերի 28-ին ՀՀ Հատուկ քննչական ծառայության օրվան նվիրված միջոցառման ժամանակ նման տվյալներ ներկայացրեց ծառայության ղեկավար Սասուն Խաչատրյանը:
«Կալանք է դրված 14 մլն 685 հազար դոլար, 221 հազար եվրո, 219 մլն 300 հազար դրամ դրամական միջոցների և 300 միավորն անցնող անշարժ գույքի վրա: Համոզված եմ, որ մոտ ապագայում այս գործերով կկազմվեն մեղադրական եզրակացություններ, դրանք կուղարկվեն դատարան և դատավճիռներից հետո այդ հսկայածավալ միջոցները կուղղվեն պետական բյուջե»,- հավելեց ՀՔԾ պետը:
Սասուն Խաչատրյանի տեղեկացմամբ՝ ծառայությունում քննվում է նաև նախկին պաշտոնատար անձանց ապօրինի հարստացման և կեղծ հայտարարագրեր ներկայացնելու, փողերի լվացման վերաբերյալ քրեական գործեր:
«Դրանցով նույնպես կատարվել է մեծ ծավալի քննություն, այդ թվում՝ երկու տասնյակ քննչական հարցումներ են ուղարկվել այլ երկրներ՝ այնտեղ գտնվող ակտիվները գտնելու նպատակով»,- նշեց նա:
