28.09.2026 | 02:28
«Արդարացում չունեցող կոպիտ սխալ». Թաթա Սիմոնյանը ներողություն է խնդրել սեպտեմբերի 27-ին իր համերգի ցուցադրության համար
Արտահանում դեպի ԵՄ շուկա․ գործնական ուղեցույցը հասանելի է էլեկտրոնային գրքի տեսքով
Տնտեսություն
19.06.2026 | 10:27
ՀՀ էկոնոմիկայի նախարարությունից հայտնում են, որ գյուղատնտեսական և վերամշակված արտադրանքի՝ Եվրոպական միության շուկա արտահանման վերաբերյալ գործնական ուղեցույցն այժմ հասանելի է նաև թերթվող էլեկտրոնային գրքի ձևաչափով։ Ուղեցույցը արտադրողներին և արտահանողներին ներկայացնում է Հայաստանից ԵՄ շուկա արտահանման համար անհրաժեշտ գործնական քայլերը, փաստաթղթերը, նախապատրաստական աշխատանքներն ու հնարավոր ծախսային ուղղությունները։
«Գյուղատնտեսական և վերամշակված արտադրանքի Եվրոպական միության շուկա արտահանման վերաբերյալ գործնական ուղեցույցն այժմ հասանելի է նաև թերթվող էլեկտրոնային գրքի ձևաչափով»,- ասված է գերատեսչության տարածած հաղորդագրությունում։
Ուղեցույցին կարող եք ծանոթանալ հետևյալ հղմամբ։
Հիշեցնենք, որ հայկական գյուղմթերքի և վերամշակված արտադրանքի համար ԵՄ շուկայի ուղղությունը վերջին շրջանում ավելի է կարևորվել Ռուսաստանի սահմանափակումների ֆոնին։ 2026-ի մայիս-հունիսին Ռոսսելխոզնադզորը մի քանի փուլով սահմանափակումներ էր մտցրել Հայաստանից ապրանքների ներմուծման նկատմամբ՝ նախ ծաղիկների, ապա մի շարք պտուղ-բանջարեղենի և կարանտինային ապրանքների մասով՝ պատճառաբանելով բուսասանիտարական պահանջների խախտումները։
Ըստ հրապարակումների՝ սահմանափակումները վերաբերել են նաև կեռասին, ծիրանին, սալորին, դեղձին, նեկտարինին, խաղողին և այլն, իսկ որոշ դեպքերում սահմանափակվել է նաև դրանց տարանցումը Ռուսաստանի տարածքով դեպի ԵՏՄ երկրներ։
Այս իրավիճակում հայկական արտադրանքի համար այլընտրանքային շուկաների, այդ թվում՝ ԵՄ ուղղության զարգացումը դիտարկվում է որպես արտահանման ռիսկերի նվազեցման և շուկաների դիվերսիֆիկացիայի կարևոր քայլ։
