ԵՄ-ն առաջին անգամ միանգամից մեկ տարով կերկարաձգի Ռուսաստանի դեմ պատժամիջոցները

Լուրեր

22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
«Պալաչ» մականունով հայտնի Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
22.11.2026 | 14:29
Նոյեմբերի 22-ին Գորիսի մի շարք հասցեներում ջուր չի լինի
22.11.2026 | 14:13
Հայաստանում օդի ջերմաստիճանը կնվազի 8-10 աստիճանով․ սպասվում են անձրև և ուժեղ քամի
22.11.2026 | 13:32
Ուժեղ քամին վնասել է տանիքներ և արևային վահանակներ․ ահազանգեր՝ երկու մարզից
Բոլորը

ԵՄ անդամ երկրները հինգշաբթի երեկոյան Բրյուսելում կայացած գագաթնաժողովում առաջին անգամ պայմանավորվել են  երկարաձգել Ուկրաինայի դեմ ագրեսիվ պատերազմի համար Ռուսաստանի նկատմամբ ԵՄ-ի կողմից սահմանված պատժամիջոցները միանգամից մեկ տարով։ Նախկինում դա արվում էր վեց ամսով։ Այս մասին հայտնել է dpa լրատվական գործակալությունը՝ հղում անելով Եվրոպական խորհրդի նախագահ Անտոնիո Կոշտայի մամուլի քարտուղարին։

ԵՄ Խորհրդի կողմից համապատասխան օրինագծի պաշտոնական հաստատումը սպասվում է առաջիկա շաբաթներին, գրում է DW-ի ռուսական ծառայությունը։

Պատժամիջոցների երկարաձգում հաջողվել է համաձայնեցնել Հունգարիայի կողմից վետոյի բացակայության պատճառով։ Երկրի նախկին վարչապետ Վիկտոր Օրբանը հետևողականորեն արգելափակում էր այդ քայլը: Հունգարիայի նոր վարչապետ Պետեր Մագյարը, որը պաշտոնը ստանձնել է մայիսին, աջակցել է երկարաձգման որոշմանը:

Ռուսաստանի կողմից Ուկրաինայի դեմ պատերազմի վերաբերյալ նույն գագաթնաժողովում ընդունված Հռչակագրին էլ աջակցել են ԵՄ անդամ բոլոր 27 պետությունները՝ առաջին անգամ 2024 թվականի դեկտեմբերից ի վեր։ Օրբանը նախկինում դեմ էր արտահայտվել փաստաթղթի հաստատմանը։

Մասնավորապես, փաստաթղթում նշվում է, որ ԵՄ-ն մտադիր է «մեծացնել Ռուսաստանի նկատմամբ ճնշումը և շարունակել թուլացնել նրա ռազմական տնտեսությունը, որպեսզի երկիրը դադարեցնի ագրեսիվ պատերազմը և մտնի բովանդակալից խաղաղության բանակցությունների մեջ»։

Այս առումով, ԵՄ-ն, մասնավորապես, ընդգծել է Ռուսաստանի էներգետակիրների եկամուտների հետագա կրճատման կարևորությունը, այդ թվում՝ իր «ստվերային նավատորմի» օգտագործման միջոցով, և կոչ է արել «արագ ընդունել  պատժամիջոցների 21-րդ փաթեթը»։

Ռուսաստանի դեմ եվրոպական պատժամիջոցների 21-րդ փաթեթի բովանդակությունն ու ընդունման ամսաթիվը դեռևս անհայտ են։ Տարբեր լրատվամիջոցներ հաղորդել են, որ այն կարող է ներառել Ուկրաինայում պատերազմին մասնակցող ռուս զինծառայողների մուտքի արգելք ԵՄ։

Բացի այդ, սահմանափակումներ են հայտարարվել Ռուս ուղղափառ եկեղեցու ղեկավար, Մոսկվայի և Համայն Ռուսիո պատրիարք Կիրիլի (աշխարհիկ անունը՝ Վլադիմիր Գունդյաև), ինչպես նաև Շախմատի միջազգային ֆեդերացիայի (ՖԻԴԵ) նախագահ Արկադի Դվորկովիչի նկատմամբ: Պատժամիջոցներ են սպասվում նաև էներգետիկայի, ֆինանսական, առևտրի և, առաջին անգամ, ձկնորսության ոլորտների նկատմամբ:

Մինչդեռ, Բուլղարիայի վարչապետ Ռումեն Ռադևն արդեն հայտարարել է, որ իր երկիրը վետո կդնի Ռուսաստանի դեմ պատժամիջոցների նոր փաթեթին։ Նա այս մտադրությունը բացատրել է Բուլղարիայի տնտեսության վերաբերյալ մտահոգություններով և պատրիարք Կիրիլի նկատմամբ սահմանափակումներին դեմ լինելով։ Միաժամանակ, Ռադևն ընդգծել է, որ իր կառավարությունը «կաջակցի ԵՄ-ին Ուկրաինայի անդամակցության բանակցային գործընթացին»։

Թարգմանությունը՝ Էմմա Չոբանյանի