11.08.2026 | 14:29
Արթուր Ղարիբյանն արժանացել է բարձր գնահատականի ու ընդգրկվել տուրի խորհրդանշական հավաքականում. ԼՈՒՍԱՆԿԱՐ
Կա անհրաժեշտություն, որ երկրորդ նախագահը գտնվի կալանքի տակ. ՀՀ գլխավոր դատախազ
Հասարակություն
28.11.2018 | 13:28
Մարտի 1-ի գործի վերաբերյալ այսօրվա փաստակազմը տրամագծորեն տարբերվում է 2008 թվականի քննության փաստակազմից։ Ձեռք բերված տեղեկությունները լրիվ ուրիշ տեղեկությունների մասին են խոսում։ Եվ փաստակազմի էական տարբերության պայմաններում Ռոբերտ Քոչարյանին այսօր առաջադրված մեղադրանքը որևէ հակադրության մեջ չի մտնում 2008 թվականի քննությամբ ձեռք բերված տվյալների հիման վրա կայացված դատավճիռների հետ. Վերաքննիչ քրեական դատարանում լրագրողների հետ զրույցում ասել է ՀՀ գլխավոր դատախազ Արթուր Դավթյանը:
«Այսօրվա քննությամբ ձեռք բերված տվյալները վկայում են նախկինում կայացված դատավճիռների առերևույթ վերանայման մասին»,- ասել է նա:
Հիշեցնենք, որ Եվրոպական դատարանը Մարտի 1-ի գործերով դիրքորոշում է հայտնել, այս լույսի ներքո մենք կունենանք նախկինում կայացված դատական ակտերի վերանայման գործընթացներ։
«Մենք բերում ենք այն հիմնավորումները, որ կա անհրաժեշտություն քննության այս փուլում, որ երկրորդ նախագահը մնա կալանքի տակ»,- ասել է ՀՀ գլխավոր դատախազը:
