19.12.2025 | 16:20
Ադրբեջանից Հայաստան է ժամանել նավթամթերքով բեռնված գնացքը
Գազալցակայաններում պետք է միջազգային ստանդարտի զուգարաններ կառուցեք. Նիկոլ Փաշինյանի հորդորը. ՏԵՍԱՆՅՈՒԹ
Տնտեսություն
28.11.2018 | 11:31
Նախընտրական քարոզարշավի երրորդ օրն «Իմ քայլը» դաշինքը՝ վարչապետի պաշտոնակատար Նիկոլ Փաշինյանի գլխավորությամբ սկսեց Տավուշի մարզի Նոյեմբերյան քաղաքից:
«Տարեկան 24 միլիոն դրամ շրջանառություն ունեցող միկրոբիզնեսն ամբողջությամբ կազատվի բոլոր տեսակի հարկերից: Նաև անհատ տաքսու վարորդները կազատվեն լիցենզիոն վճարներից»,- Նոյեմբերյանում բնակիչների հետ հանդիպմանը հայտարարեց վարչապետի պաշտոնակատարը:
Փաշինյանն ասաց՝ այդ ամենն անում են Հայաստանում աշխատանքը խրախուսելու համար: Հաջորդ կարևոր որոշումն, ըստ Փաշինյանի, աշնանացանի սուբսիդավորումն է:
«Գիտեք, որ Տավուշի մարզում մենք որոշում կայացրեցինք աշնանացանի ամեն հեկտարի համար 60 հազար դրամ սուբսիդիա տրամադրել, և ես ուրախ եմ, որ 4000-5000 սեփականատեր օգտվեցին այդ հնարավորությունից: Հաջորդ կարևոր որոշումը, որը պետք է կարևոր ազդեցություն ունենար մարդկանց սոցիալական վիճակի վրա, դա այն էր, երբ մենք սահմանից մեկ անգամ ներկրվող ապրանքների քանակն ավելացրինք»,- ասաց Փաշինյանը՝ պարզաբանելով, որ դա չի վերաբերում կոմերցիոն նպատակով ներկրումներին:
Վարչապետի պաշտոնակատարը նկատեց, որ այդ առումով մաքսային մարմիններից ստացել է ահազանգեր, որ մարդկանց կողմից այդ հնարավորությունը չարաշահելու միտում կա:
«Մենք ստեղծում ենք հնարավորություն, որ մարդկանց սոցիալական բեռը թեթևանա, բայց շատ վատ կլինի, եթե պարզվի այդ հնարավորությունը չարաշահվում է: Մենք նոր Հայաստանում մարդու վարքի փոփոխությունը շատ ենք կարևորում, պետք չէ չարաշահել ընձեռված հնարավորությունները»,- շարունակեց Նիկոլ Փաշինյանը՝ շեշտելով, որ նոր Հայաստանում հին ձևերով չի կարող շարունակվել:
Մանրամասները՝ տեսանյութում:
