Ադրբեջանական ընկերությունը ներառվել է ՌԴ-ի դեմ ԵՄ-ի ընդունած պատժամիջոցների նոր փաթեթում

Լուրեր

22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
«Պալաչ» մականունով հայտնի Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
22.11.2026 | 14:29
Նոյեմբերի 22-ին Գորիսի մի շարք հասցեներում ջուր չի լինի
22.11.2026 | 14:13
Հայաստանում օդի ջերմաստիճանը կնվազի 8-10 աստիճանով․ սպասվում են անձրև և ուժեղ քամի
22.11.2026 | 13:32
Ուժեղ քամին վնասել է տանիքներ և արևային վահանակներ․ ահազանգեր՝ երկու մարզից
Բոլորը

ԵՄ Խորհուրդը նախօրեին ընդունել է Ռուսաստանի դեմ պատժամիջոցների, այսպես կոչված, մինի-փաթեթ, որը հաստատվել է սահմանափակումների ավելի լայն՝ 21-րդ փաթեթի ուղղությամբ աշխատանքներին զուգահեռ։ Այս փաթեթը ներառում է ռուսական ռազմական արդյունաբերությանն աջակցող իրավաբանական և ֆիզիկական անձանց, ռուսական նավթ տեղափոխող մի քանի «ստվերային նավատորմի» լցանավեր և ռուսական բանակի համար ռազմական տեխնիկայի և անօդաչու թռչող սարքերի արտադրությամբ և մատակարարմամբ զբաղվող ընկերություններ։

ԵՄ Խորհրդի պաշտոնական հաղորդագրության համաձայն՝ այս փաթեթը ներառում է, ընդհանուր առմամբ, 34 ֆիզիկական և 47 իրավաբանական անձի ու նախատեսված է Ռուսաստանի ռազմարդյունաբերական համալիրն ավելի սահմանափակելուն, «ստվերային նավատորմին» թիրախավորելու միջոցով էներգետիկ եկամուտների կրճատման և ռուսական քարոզչության տարածումը կանխելու համար։

Պատժամիջոցների փաթեթում ներառվել է նաև ադրբեջանական ընկերություն։ Ադրբեջանական լրատվամիջոցները գրում են, որ փաթեթը ներառում է երկու անձանց՝ Թահիր Գարաևին և Կոնստանտին Ռոգաչային, ինչպես նաև 24 կազմակերպությունների, որոնք կապված են Ռուսաստանից հում նավթի կամ նավթամթերքի տեղափոխման և արտահանման հետ, այդ թվում՝ Ռուսաստանի «ստվերային նավատորմի» միջոցով: Դրանց թվում են «Լուկօյլ-Արևմտյան-Սիբիր» և բազմաթիվ ընկերություններ, որոնք գտնվում են Ռուսաստանում, Լիբերիայում, Թուրքիայում, Միացյալ Արաբական Էմիրություններում և Հոնկոնգում։

Եվրամիության պաշտոնական կայքում հրապարակված փաստաթղթի համաձայն՝ պատժամիջոցների փաթեթում ներառված է նաև ադրբեջանական «Global Ship Solutions LLC» ընկերությունը, որը գրանցված է Սումգայիթում։

Փաստաթղթում նշվում է, որ «Global Ship Solutions LLC»-ն նավագնացության ընկերություն է, որը մասնագիտացած է տեխնիկական աջակցություն ցուցաբերելու մեջ։ Այն Fulger, Deneb և Odune նավերի տեխնիկական կառավարիչն է: Այս նավերը չունեն քաղաքացիական պատասխանատվության ապահովագրություն և ներգրավված են ավտոմատ նույնականացման համակարգերի մանիպուլյացիաներում՝ Ռուսաստանից արտահանվող հում նավթ կամ նավթամթերք տեղափոխելիս: Հետևաբար, ընկերությունը կառավարում է Ռուսաստանից հում նավթ կամ նավթամթերք տեղափոխող նավերը և զբաղվում անկանոն ու բարձր ռիսկային նավագնացության մեթոդներով, ինչպես սահմանված է Միջազգային ծովային կազմակերպության գլխավոր ասամբլեայի A.1192(33) բանաձևով։

Լցանավերից մեկը՝ Odune-ը, որի ISM կառավարիչն է տվյալ ադրբեջանական ընկերությունը, անցյալ տարի պատժամիջոցների է ենթարկվել Եվրամիության և  Մեծ Բրիտանիանի կողմից: Այս լցանավի առևտրային կառավարիչը Night Moon Navigation LLC ընկերությունն է, որը գրանցված է Ադրբեջանում:

Թարգմանությունը՝ Էմմա Չոբանյանի