16.11.2024 | 14:36
ԿԲ նախագահը Silicon Mountains գագաթաժողովում խոսել է ֆինանսական ոլորտում արհեստական բանականության կիրառումից
Թուրքիայի օդուժը պատրաստվում է հրաժարվել ամերիկյան արտադրության ռազմական ուղղաթիռներից
Քաղաքականություն
28.11.2018 | 11:43
Թուրքիայի զինված ուժերի ղեկավարությունը պատրաստվում է 2020 թվականից սկսած դադարեցնել Bell UH-1H ռազմական ուղղաթիռների շահագործումը. փոխանցում է ermenihaber.-ը:
Նման մտադրությունը պայմանավորված է այն հանգամանքով, որ այդ ուղղաթիռներն արդեն բավական հին են։ Դրանք արտադրվել են 1956թ և առաջին անգամ օգտագործվել Վիետնամի պատերազմում:
Նշվում է, որ այդ ուղղաթիռներով թուրք օդաչուները սովորաբար ռազմաուսումնական թիռչքներ են իրականացնում։ Նախատեսվում է դրանց փոխարեն Թուրքիայի օդուժի շահագործմանը հանձնել Թուրքիայի ավիացիայի և տիեզերագնացության արդյունաբերական ընկերության (TUSAŞ) արտադրած T-625 ուղղաթիռները: Ծրագրվում է դրանք շահագործման հանձնել 2020թ. հուլիսին։
Հիշեցնենք, որ օրերս Ստամբուլի Սանջաքթեփե թաղամասում վթարի էր ենթարկվել Թուրքիայի զինված ուժերին պատկանող Bell UH-1H ռազմական ուղղաթիռը: Ուղղաթիռում եղած 4 զինվոր մահացել էր, 1-ը` վիրավորվել։
