16.06.2026 | 15:27
Ես այլևս չեմ ուզում թաքցնել․ Նիկոլ Փաշինյանը՝ նախընտրական շրջանում ՀՀ-ին սպառնացող վտանգների մասին․ ՏԵՍԱՆՅՈՒԹ
ՀՀ-ն կես տարի առաջ երկաթուղային փակուղում էր, հիմա աշխարհը մեզ համար բաց է. Ռուբինյան
Քաղաքականություն
16.06.2026 | 14:16
«Հնարավոր դարձավ օգտագործել Կարս-Ախալքալաք կամ Ախալքալաք-Կարս երկաթգիծը, ինչի շնորհիվ տնտեսվարողներն արդեն հնարավորություն կունենան այդ երկաթգիծը օգտագործել և՛ երկկողմ առևտրի համար, և՛ տրանզիտի համար»,- լրագրողների հետ ճեպազրույցի ժամանակ ասաց ՔՊ խմբակցության պատգամավոր Ռուբեն Ռուբինյանը։
Նրա խոսքով՝ վերջին կես տարվա ընթացքում Հայաստանի համար բացվեց երկաթգիծն Ադրբեջանի տարածքով, ինչը հնարավորություն տվեց արդեն ոչ միայն Փոթի ապրանք տանել, այլև Վրաստանով և Ադրբեջանով ապրանքներ տանել և բերել Ռուսաստան։
«Հիմա ի՞նչ տեղի ունեցավ Ախալքալաք-Կարս երկաթգծի Հայաստանի համար ապաշրջափակումով. արդեն մենք կարող ենք բաներ տանել և բերել ամբողջ Եվրոպա։ Եվ բացի դրանից, եթե չեմ սխալվում, նաև Սիրիա, որովհետև երկաթգծով Սիրիայի հետ էլ կապ կա։ Հասկանում եք, չէ՞, Հայաստանը կես տարի առաջ երկաթգծային փակուղի էր, բառիս բուն իմաստով փակուղի էր։ Հիմա ամբողջ աշխարհը մեր համար բաց է, իհարկե դեռ Վրաստանի տարածքով միջնորդավորված, և մենք աշխատում ենք, որպեսզի ուղիղ դա լինի։ Հարցրեցիք՝ արդյոք օգտվո՞ւմ են Կարս-Ախալքալաքից։ Դե ապաշրջափակումը նոր է եղել, այսինքն մի քանի օր առաջ է եղել, և ենթադրում եմ, որ դեռ ոչ, բայց չեմ էլ ճշտել, պետք է ճշտել»։
Մանրամասները՝ տեսանյութում։
