Ընդդիմությանը առաջարկում եմ մանդատները չվերցնել. ԱԺ-ի աշխատանքը չի տուժի. Ռուբինյան. ՏԵՍԱՆՅՈՒԹ

Լուրեր

22.11.2026 | 21:01
Փակ և դժվարանցանելի ճանապարհներ Հայաստանում․ Փրկարար ծառայությունը տեղեկացնում է
22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
«Պալաչ» մականունով հայտնի Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
22.11.2026 | 14:29
Նոյեմբերի 22-ին Գորիսի մի շարք հասցեներում ջուր չի լինի
22.11.2026 | 14:13
Հայաստանում օդի ջերմաստիճանը կնվազի 8-10 աստիճանով․ սպասվում են անձրև և ուժեղ քամի
Բոլորը

«Մենք մեր ստացած քվեների տերերն ենք, մենք ստացել ենք խորհրդարանական մեծամասնություն, ստացել ենք 720 հազարից ավելի քվե, ավելի շատ քվե բացարձակ թվով, քան 2021 թվականին։ Տոկոսայինով մենք ստացել ենք այնքան քվե, որը բավարար է միանձնյա կառավարություն կազմելու համար։ Եվ ես ուզում եմ շնորհավորել բոլորիս Հայաստանում արդեն երրորդ անընդմեջ ազատ և արդար ընտրությունների արդյունքով»,- անդրադառնալով ընտրությունների վերջնական արդյունքներին, ասաց ԱԺ փոխխոսնակ, «Քաղաքացիական պայմանագիր» խմբակցության պատգամավոր Ռուբեն Ռուբինյանը։

Նախընտրական շրջանում ընտրակաշառք տալու և ստանալու Հակակոռուպցիոն կոմիտեի հաղորդագրությունները և ձայնագրությունները, ըստ Ռուբինյանի, պետք է պատշաճ ուսումնասիրվեն, իսկ ընտրակաշառք բաժանողները բոլորը պետք է ձերբակալվեն։

«Ես կոչ եմ անում մեր իրավապահ մարմիններին՝ գնալ մինչև վերև, որովհետև բավարար չէ ձերբակալել մի քանի տեղային տասնապետերի։ Պետք է գնալ մինչև վերև։ Ինձ համար և ցանկացած բանական մարդու համար ակնհայտ է, որ չէր կարող ուղղակի մի տասնապետ զատվել և որոշել, որ ինքը պետք է ընտրակաշառք բաժանի իր շենքի բնակիչներին։ Ոչ, ակնհայտ է, որ նախ այդ տասնապետին այդ գումարները տվել են, և ակնհայտ է, որ տալուց էլ հրահանգել են, ասել են՝ «առ քեզ փող, կգնաս և կմուծես, որպեսզի ընտրեն մեզ»։ Ինձ համար ակնհայտ է, որ պատասխանատվություն են կրում երեք կուսակցությունները՝ «Ուժեղ Հայաստանը», «Հայաստան» դաշինքը և «Բարգավաճ Հայաստանը»։ Ինձ համար ակնհայտ է, որ այդ կուսակցությունների ղեկավարությունն է կազմակերպել և ուղղորդել այդ ընտրակաշառքները, և ես կոչ եմ անում իրավապահ մարմիններին բացահայտել այս սխեման։

Մենք ընդհանրապես կարծում ենք, որ ի սկզբանե այդ ուժերի գրանցումը պետք է չեղյալ համարվեր, որովհետև իրենք ընտրակաշառք էին բաժանում։ Ո՞վ պետք է չեղյալ համարեր՝ կոնկրետ այդ դեպքում երևի ԿԸՀ-ն։ Բայց ինչ վերաբերում է ընտրությունների արդյունքներին, մենք չենք ուզում, որ դրանք չեղյալ համարվեն, որովհետև խորհրդարանական մեծամասնությունը լեգիտիմ է, մեր ստացած ձայները լեգիտիմ են, և մենք ձևավորելու ենք կառավարություն»,- ասաց ԱԺ փոխխոսնակը։

Ընտրությունների արդյունքների վերջնական ամփոփումից հետո, երբ հստակ պատկերը հայտնի դարձավ, ընդդիմությունը դեռ չի հստակեցնում՝ վերցնելո՞ւ է մանդատները, թե ոչ։ Ռուբինյանը խորհուրդ է տալիս չվերցնել դրանք, իսկ կուսակցությունները՝ լուծարել։

«Նաև խորհուրդ եմ տալիս ինքնակամ ներկայանալ ոստիկանություն և հայտնել՝ «այո, մենք ենք ընտրակաշառք բաժանել»։ Շատ-շատ ուրախ խորհրդարան կլինի, վերջապես մենք ստիպված չենք լինի հինգ տարի անցկացնել մարդկանց հետ, ովքեր եկել են այստեղ զուտ իրենց ապօրինի ձեռք բերված գույքը պաշտպանելու համար կամ իրենց, հուսով եմ, դատվելիք ղեկավարությանը պաշտպանելու համար»,- նշեց Ռուբեն Ռուբինյանը։

Մանրամասները՝ տեսանյութում։