22.10.2026 | 17:53
ՌԴ-ի «Աֆրիկյան կորպուսն» ու Մալիի ԶՈՒ-ն տանջում են տեղի բնակիչներին հոսանքով և խեղդամահ անելով․ HRW
Հենրիխ Մխիթարյանը միջոցառման կմասնակցի «Փյունիկի» մարզադպրոցում
12.06.2026 | 14:45
Հայաստանի ազգային հավաքականի նախկին ավագ, իտալական «Ինտերի» կիսապաշտպան Հենրիխ Մխիթարյանը միջոցառման կմասնակցի Երևանի «Փյունիկում», հաղորդում է ակումբի մամուլի ծառայությունը։
«Նա գալիս է այնտեղ, որտեղից ամեն ինչ սկսվել է։ Հունիսի 19-ին հայկական ֆուտբոլի պատմության լավագույն ֆուտբոլիստը՝ Հենրիխ Մխիթարյանը, պաշտոնական այցով կլինի «Փյունիկի» մարզադպրոցում՝ հատուկ կազմակերպված փակ միջոցառման շրջանակում։
Օրվա ընթացքում նախատեսված է հատուկ ծրագիր՝ կարճամետրաժ ֆիլմ՝ նվիրված նրա ճանապարհին, և հանդիպում-զրույց ակադեմիայի սաների հետ՝ կյանքի ու ֆուտբոլային ուղու մասին։ Վերադարձ տուն՝ այնտեղ, որտեղից սկսվեց ամենամեծ ճանապարհը»,- նշված է ակումբի հաղորդագրությունում։
Հիշեցնենք, որ Հենրիխ Մխիթարյանը «Փյունիկի» սան է։ Երևանյան ակումբի գլխավոր թիմում 37-ամյա ֆուտբոլիստը խաղացել է 2006-2009թթ․։ Այնուհետև կիսապաշտպանը հանդես է եկել նաև Դոնեցկի «Մետալուրգում» (2009-2010 թթ.) ու «Շախտյորում» (2010-2013 թթ.), Դորտմունդի «Բորուսիայում» (2013-2016 թթ.), անգլիական «Մանչեսթեր Յունայթեդում» (2016-2018 թթ.) ու «Արսենալում» (2018-2019 թթ.), իտալական «Ռոմայում» (2019-2022 թթ.), իսկ 2022 թվականից է խաղում «Ինտերում», որի կազմում 2-ական անգամ դարձել է Իտալիայի չեմպիոն, գավաթակիր, սուպերգավաթակիր ու երկու անգամ խաղացել է Չեմպիոնների լիգայի եզրափակիչում։
