16.08.2026 | 14:30
Վթարային ջրանջատում Երևանում
Մարդիկ, ովքեր մանիպուլացնում են իմ խոսքը, կամ չեն ըմբռնել կոնտեքստը, կամ ապուշ են. Սերժ Սարգսյան. ՏԵՍԱՆՅՈՒԹ
Քաղաքականություն
12.06.2026 | 14:38
«Մարդիկ, ովքեր մանիպուլացնում են իմ խոսքը, կա՛մ չեն ըմբռնել կոնտեքստը, կա՛մ ապուշ են, որովհետև միայն ապուշը կարող է մտածել, թե ես կարող եմ արդարացնել մեկին, ով գիտակցված կապիտուլյացիա է արել Հայաստանի Հանրապետությանը, ով հանձնել է իմ հայրենիքը, ով հարձակվել է իմ եկեղեցու վրա և ով իմ երկրի տարածքները թողել է թշնամու կապիտուլյացիայի տակ։
Եվ ի՞նչ է ստացվում, որ այսքանով հանդերձ՝ նա մեղավոր է երրորդ ժամկետ գնալո՞ւ համար»,- լրագրողների հետ զրույցում անդրադառնալով վերջին օրերին իր խոսքերից մեկի մասով հնչող քննադատություններին՝ հայտարարել է ՀՀ երրորդ նախագահ Սերժ Սարգսյանը։
Հիշեցնենք՝ դատական նիստից հետո լրագրողի հետ զրույցում արձագանքելով Նիկոլ Փաշինյանի՝ «երրորդ անգամ ընտրվելու» մասին դիտարկմանը, նա նշել էր՝ երբևէ երրորդ ժամկետով չի ընտրվել, քանի որ երկու անգամ եղել է Հանրապետության նախագահ, իսկ վարչապետի պաշտոնում առաջադրումն «իշխանության կողմից հնարված քարոզչական թեզ» էր։ Սարգսյանը հավելել էր, որ նույն տրամաբանությամբ Նիկոլ Փաշինյանի դեպքում ևս «երրորդ ժամկետի խնդիր չկա», քանի որ նախորդ երկու ընտրությունները եղել են արտահերթ։
Մանրամասները՝ տեսանյութում։
