02.07.2026 | 16:32
ՔԿ-ն մանրամասներ է հայտնում գնդապետ Էդիկ Մալոյանի ձերբակալությունից
Մեքսիկայում բախումներ են եղել ԱԱ-2026-ի բացման խաղից առաջ․ ՏԵՍԱՆՅՈՒԹ
12.06.2026 | 14:10
Մեքսիկայում բախումներ են տեղի ունեցել ցուցարարների և ոստիկանության միջև այն մարզադաշտի հարևանությամբ, որտեղ անցկացվում էր 2026թ․ աշխարհի առաջնության առաջին հանդիպումը։
Ավելի վաղ հաղորդվել էր, որ ԱԱ-2026-ի բացման արարողությունից մի քանի ժամ առաջ Մեխիկոյի «Ացտեկա» մարզադաշտի մոտ անցկացվել է բողոքի ակցիա, որին մասնակցել են հարյուրավոր մարդիկ, որոնց մեծ մասը նարկոկարտելների կողմից առևանգված և սպանված անձանց հարազատներն էին։ Ցուցարարները փողոցում կալենդուլայի ծաղիկներով խաչ էին ձևավորել և անում էին տարբեր վանկարկումներ։
The Athletic-ի տվյալներով՝ 82 000 հանդիսական տեղավորող մարզադաշտի շուրջ կիրառվել էին անվտանգության խստացված միջոցառումներ, իսկ երկրպագուներին և հանդիպման մյուս այցելուներին խորհուրդ էր տրվել ժամանել նախապես՝ խաղի մեկնարկից բավական վաղ։
Մեխիկոյի Քաղաքացիական անվտանգության քարտուղարությունը հայտնել է, որ շուրջ 200 դիմակավորված անձանցից բաղկացած խումբը մարզադաշտից դուրս բախվել է իրավապահների հետ, սակայն իրավիճակը հետագայում վերահսկողության տակ է վերցվել։ Բախումներին մասնակցելու կասկածանքով ձերբակալվել է 28-ամյա մի կին, որը հետագայում ազատ է արձակվել։
Մեխիկոյի իշխանությունները տեղեկացրել են, որ բողոքի ակցիաների հետևանքով փակվել են մի շարք կայարաններ, իսկ քաղաքի երկրպագուների գոտում (ֆան-զոնայում) տեղի ունեցած միջադեպը կարգավորվել է։ Չնայած մարզադաշտի շրջակայքում տեղի ունեցած անկարգություններին՝ հանդիպմանը ներկա երկրպագուների մեծ մասն առանց ուշացումների կարողացել է մուտք գործել մարզադաշտ։
Աշխարհի առաջնության բացման խաղում Մեքսիկայի հավաքականը 2։0 հաշվով հաղթել էր Հարավաֆրիկյան Հանրապետության հավաքականին։
