02.07.2026 | 16:32
ՔԿ-ն մանրամասներ է հայտնում գնդապետ Էդիկ Մալոյանի ձերբակալությունից
Մեր պետությանն ու ժողովրդին ոչ ոք չի կարող կոտրել․ Պապոյանը՝ ՌԴ-ի մտցրած սահմանափակումների մասին․ ՏԵՍԱՆՅՈՒԹ
Տեսանյութեր
12.06.2026 | 13:28
Ֆինանսական առումով միգուցե մեծ բեռ է, բայց մեր քաղաքացիների համար ենք անում, իսկ մեր պետությունը մեր քաղաքացու համար է, և այդ պարագայում արդեն դա բեռ չէ մեզ համար: Այս մասին ԱԺ-ում հայտարարեց էկոնոմիկայի նախարար Գևորգ Պապոյանը՝ խոսելով ՌԴ-ի կողմից կիրառված սահմանափակումների մասին։
«Այն, ինչ որ Հայաստանի Հանրապետության կառավարությունն անում է իր քաղաքացիների համար, դա չի կարող բեռ լինել: Նախ՝ մեր քաղաքացիները ՀՀ անկախության և ինքնիշխանության պաշտպանության գործում ֆանտաստիկ դիմադրողականություն են ցուցաբերել և ուժեղ կանգնել են իրենց պետության կողքին: Եվ հիմա եկել է ժամանակը, որպեսզի պետությունը կանգնի իր քաղաքացիների կողքին:
Այս պարագայում և՛ մեր պետությանը, և՛ մեր ժողովրդին ոչ ոք չի կարող կոտրել. սա եկեք ֆիքսենք, և սա շատ կոնկրետ գործընթաց է, որը համատեղ անում ենք իրար հետ: Ինչ վերաբերում է մեր գործընկերների հետ կապին՝ հունիս-հուլիս ամսվա ընթացքում նախատեսված են (նախնական կարող եմ ասել) մեկ հաստատ, երևի երկու այց իմ կողմից Ռուսաստան՝ տարբեր միջոցառումների, որտեղ հանդիպելու եմ երկու տարբեր գործընկերների հետ: Հետևաբար նաև այսպիսի հարցեր կքննարկենք»,- ասաց նա։
Մանրամասները՝ տեսանյութում։
