16.08.2026 | 14:30
Վթարային ջրանջատում Երևանում
ԱՄՆ-ի մուտքի թույլտվություն չստացած աֆրիկացի մրցավարին մեծ շուքով են դիմավորել հայրենիքում․ ՏԵՍԱՆՅՈՒԹ
12.06.2026 | 13:35
Սոմալին ներկայացնող մրցավար Օմար Արտանը ԱՄՆ-ի մուտքի թույլտվություն չստանալուց հետո վերադարձել է հայրենիք։ 34-ամյա մրցավարին մեծ շուքով են դիմավորել։
ՈՒԵՖԱ-ն պաշտոնապես հայտնել է, որ Օմար Արտանը կսպասարկի Եվրոպայի սուպերգավաթի հանդիպումը։ Ավստրիայի Զալցբուրգ քաղաքում օգոստոսի 12-ին կայանալիք խաղում կհանդիպեն Չեմպիոնների լիգայի գավաթակիր ֆրանսիական ՊՍԺ-ն և Եվրոպայի լիգայի հաղթող անգլիական «Ասթոն Վիլան»։
Օմար Արտանը զրկվել էր ԱՄՆ-ում, Կանադայում և Մեքսիկայում անցկացվող աշխարհի առաջնության հանդիպումները սպասարկելու հնարավորությունից, քանի որ ԱՄՆ մուտքի վիզա չէր ստացել։ Դիվանագիտական անձնագիր ունեցող մրցավարն օրեր առաջ ժամանել էր Մայամիի օդանավակայան, որտեղից նրան հետ էին ուղարկել։
Օմար Արտանը Սոմալին ներկայացնող առաջին մրցավարն է, որը հնարավորություն էր ստացել սպասարկել աշխարհի առաջնության հանդիպումներ։ 2025 թվականին նա Աֆրիկայի լավագույն մրցավար էր ճանաչվել Աֆրիկայի ֆուտբոլային կոնֆեդերացիայի վարկածով։
