16.08.2026 | 20:10
Ուկրաինան սկսել է բրիտանական անօդաչուներ օգտագործել Ռուսաստանի խորքում գտնվող թիրախներին հարվածելու համար․ The Sunday Times
Մարդատար ավտոմեքենանների համար սահմանափակումներ պետք է մտցվեն Երևանում․ Ավինյան. ՏԵՍԱՆՅՈՒԹ
Քաղաքականություն
12.06.2026 | 12:19
Խցանումների վերաբերյալ Երևանի քաղաքապետարանը ստեղծել է հատուկ հիմնարկ՝ Երևանի երթևեկության կառավարման կենտրոնը, որին տրվել է համապատասխան մասնագիտական կազմ։ Այս մասին ԱԺ-ում հայտարարեց Երևանի քաղաքապետ Տիգրան Ավինյանը։
«Այն նպատակաուղղված է թվային լուծումների ներդրմանը և վերլուծությանը, և շատ ուրախ եմ, որ այս հիմնարկը արդեն իսկ սկսել է կոնկրետ արդյունքներ տալ։ Երևան քաղաքում այս պահի դրությամբ իրականացնում է, մրցութային փուլում է գտնվում, պիլոտային ծրագիր, որով չափումներ է իրականացնելու քաղաքի մուտքերում ավտոմեքենաների հոսքի վերաբերյալ։ Այս բոլոր հաշվարկների հիման վրա մեզ այս տարվա ընթացքում տալու է փոփոխությունների ծրագիր»,- ասաց նա։
Քաղաքապետի խոսքով՝ սկզբում պետք է հասկաքնալ, թե ինչու՞ են առհասարակ Երևանում խցանումներ. առաջին և հիմնական պատճառը, ըստ Ավինյանի, տնտեսական աճն է, որը բերել է մարդատար ավտոմեքենաների քանակի ահռելի աճի:
«Մենք որքան էլ ավելացնենք հանրային տրանսպորտը, այն իր ժամանակացույցով չի կարող աշխատել, եթե չունենանք սահմանափակում մարդատար ավտոմեքենաների համար։ Վստահորեն պետք է մտցվեն որոշակի սահմանափակումներ, և դրանք փոխարինվեն հանրային տրանսպորտի առանձնացված ամբողջական ուղեգծերով։
Այս պիլոտի արդյունքում մենք ունենալու ենք հստակ թվեր, թե քանի ավտոմեքենա է մուտք գործում քաղաք, ինչ չափի կայանման տեղեր պետք է ստեղծվեն մուտքերի մոտ և ինչ տեսակի սահմանափակումներ են մտնելու։ Մենք հուսով ենք, որ նախնական պատկերը ունենալու ենք սեպտեմբեր-հոկտեմբեր ամիսներին, իսկ իրականացնելու ենք 2027 թվականին»,- ասաց նա։
Մանրամասները՝ տեսանյութում։
