03.07.2026 | 05:09
ԱԱ-2026. Պորտուգալիան հաղթանակ կորզեց ու կխաղա Իսպանիայի հետ. ՏԵՍԱՆՅՈՒԹ
Ռոբերտ Քոչարյանը չի ցանկացել շփվել լրագրողների հետ՝ խուսափելու հայհոյախառն մեկնաբանություններից․ Հայկ Ալումյան․ ՏԵՍԱՆՅՈՒԹ
Հասարակություն
27.11.2018 | 18:11
Վերաքննիչ դատարանն այսօր քննում է Ռոբերտ Քոչարյանի նկատմամբ կալանավորման որոշումն անձեռնմխելիության հիմքով վերացնելու վերաբերյալ բողոքը։
Գործով դատական նիստն ընդմիջվեց, այն կշարունակվի վաղը` նոյեմբերի 28-ին, ժամը 12։00-ին։
Նիստի ավարտից հետո լրագրողների հետ զրույցում Հայկ Ալումյանն ասաց, որ դատական նիստը ընդմիջվեց, քանի որ ձեռք են բերել նոր փաստեր, որոնք վաղվա դատական նիստին կներկայացնեն։
Ըստ Ալումյանի՝ Ռոբերտ Քոչարյանի պաշտպաններն այսօր չհասցրեցին պատրաստել նիստը նախագահող դատավոր Ռուբեն Մխիթարյանին ինքնաբացարկի միջնորդությունը։
Լրագրողները Հայկ Ալումյանից հետաքրքրվեցին՝ ի՞նչ տրամադրութամբ էր այսօր դատական նիստին մասնակցում 2-րդ նախագահը։
Ըստ Ալումյանի՝ Ռոբերատ Քոչարյանն արտաքուստ վատ վիճակում չէր գտնվում, սակայն, ինչպիսին էր նրա հոգեվիճակը չի կարող ասել։
Հարցին՝ ինչու Ռուբերտ Քոչարյանը չունի ցանկություն լրագրողների հետ շփվելու, պաշտպանն ասաց․ «Ռոբերտ Քոչարյանը չի ցանկացել շփվել լրագրողների հետ՝ խուսափելու հայհոյախառն մեկնաբանություններից»։
Մանրամասները՝ տեսանյութում։
