11.06.2026 | 12:34
Նոր ատոմակայանի կառուցման հետ կապված աշխատանքներ ենք իրականացնում, տեսակի ընտրությունը կատարել ենք․ ՏԵՍԱՆՅՈՒԹ
Ռուսաստանը մեծացրել է ձկան ներմուծումը Թուրքիայից և Իրանից՝ Հայաստանից մատակարարումները փոխարինելու համար
Քաղաքականություն
11.06.2026 | 11:30
Ռուսաստանը մեծացրել է այլ երկրներից ձկան ներմուծումը՝ Հայաստանից մատակարարումները փոխարինելու համար: Սանկտ Պետերբուրգի միջազգային տնտեսական ֆորումում ՏԱՍՍ-ին տված հարցազրույցում ասել է «Ռոսսելխոզնադզոր»-ի ղեկավար Սերգեյ Դանկվերտը։
«Մենք հասկանում էինք, որ ստիպված կլինենք սահմանափակումներ մտցնել։ Դրան հակազդելու համար մենք բացեցինք այլ երկրներից մատակարարումները։ Օրինակ՝ իշխանի համար մենք վերակողմնորոշվեցինք դեպի Իրան և Թուրքիա։ Ընդհանուր առմամբ, որքան շատ մատակարարներ ունենանք, այնքան ավելի հեշտ կլինի մեզ համար գործելը։ Ի վերջո, եթե մենք կախված լինենք միայն մեկից, կարող է որոշակի ապրանքի պակաս լինել։ Հիմա այդպես չէ, մենք ունենք լայն ընտրություն»,- հայտարարել է նա։
Հիշեցնենք, որ մայիսի վերջից Ռուսաստանը սահմանափակել է Հայաստանից ծաղիկների, լոլիկի, վարունգի, պղպեղի, կանաչ բանջարեղենի և ելակի, կորիզավոր մրգերի, խաղողի, սմբուկի, կարտոֆիլի և չորացրած մրգերի ներմուծումը։
Հունիսի 2-ից սկսած՝ Հայաստանը պարտավոր էր կասեցնել Ռուսաստան արտահանման համար նախատեսված կենդանի ձկան հավաստագրումը։
Թարգմանությունը՝ Էմմա Չոբանյանի
