02.07.2026 | 22:37
Վթարային ջրանջատում` Արարատի մարզում
ՌԴ շրջաններում և Ղրիմում խոցվել է ավելի քան 300 ուկրաինական ԱԹՍ․ Կրասնոդարում բնակելի շենք է վնասվել
Քաղաքականություն
11.06.2026 | 11:43
Ուկրաինական անօդաչու թռչող սարքերը հունիսի լույս 11-ի գիշերը հարձակվել են Կրասնոդարի երկրամասի վրա: Անօդաչու թռչող սարքի բեկորները հարվածել են Կրասնոդարում բնակելի շենքին։ Այս մասին հայտնել է նահանգապետ Վենիամին Կոնդրատևը, գրում է Meduza-ն։
Բեկորների անկման հետևանքով հրդեհ է առաջացրել շենքում: Երկու մարդ վիրավորվել է։
Սևերսկի շրջանում վնասվել են մի քանի մասնավոր տներ, մեկ մարդ վիրավորվել է։
Կրասնոդարի երկրամասի օպերատիվ շտաբը նաև հայտնել է, որ անօդաչու թռչող սարքերը հարձակվել են Աֆիպսկիի նավթավերամշակման գործարանի վրա, ինչի հետևանքով հրդեհ է բռնկվել, որն արդեն մարվել է։
Astra-ն սոցիալական ցանցերում հրապարակված տեսանյութերի և լուսանկարների վերլուծությունից հետո հաղորդում է, որ վնասված բնակելի շենքը գտնվում է երկու ռազմական օբյեկտներից երկու կիլոմետրից պակաս հեռավորության վրա և ռազմական օդանավակայանից երեք կիլոմետր հեռավորությամբ։
Ռուսաստանի պաշտպանության նախարարությունը հայտնել է, որ ՀՕՊ ուժերը գիշերը որսացել և ոչնչացրել են ուկրաինական 330 անօդաչու թռչող սարք։ ԱԹՍ-ներ են խոցվել Բրյանսկի, Կուրսկի, Բելգորոդի, Օրյոլի, Սմոլենսկի, Կալուգայի, Տուլայի, Տվերի և Վլադիմիրի մարզերի, ինչպես նաև Կրասնոդարի երկրամասի, Մոսկվայի մարզի, բռնակցված Ղրիմի, Սև ու Ազովի ծովերի վրա։
Թարգմանությունը՝ Էմմա Չոբանյանի
