16.08.2026 | 15:48
Համաշխարհային օվկիանոսի ջերմաստիճանը հասել է 2026 թվականի սկբից առավելագույն արժեքին․ Լևոն Ազիզյան
Թրամփը հայտարարել է, որ Իրանը «կվճարի բանակցությունները ձգձգելու գինը»
Քաղաքականություն
10.06.2026 | 17:51
ԱՄՆ նախագահ Դոնալդ Թրամփը սոցցանցերում գրառմամբ հայտարարել է, որ Իրանը «կվճարի չափազանց երկար ժամանակով գործարքի շուրջ բանակցելու գինը», գրում է CNN-ը։
«Իրանի կողմից միայն խոսքեր են և ոչ մի գործողություն։ Մերձավոր Արևելքի բռնակալը մահացել է։ Նրանք չափազանց երկար ժամանակ բանակցեցին այնպիսի գործարքի շուրջ, որը հիանալի կլիներ նրանց համար, հիմա նրանք ստիպված կլինեն վճարել գինը»,- գրել է Թրամփը Truth Social-ում։
Նա չի մանրամասնել, թե ինչ «գին» կպահանջվի։ Սա տեղի է ունեցել այն բանից հետո, երբ ԱՄՆ-ը հայտարարել էր, որ երեքշաբթի Հորմուզի նեղուցի մոտ Apache ռազմական ուղղաթիռի կործանումից հետո նոր հարվածներ է հասցրել Իրանին։ ԱՄՆ պաշտոնյան երեկ CNN-ին ասել էր, որ նոր հարվածները նախատեսված էին որպես նախազգուշական հարված Իրանին, և որ ԱՄՆ-ը կարծում է՝ դրանք չեն խոչընդոտի պատերազմը դադարեցնելու բանակցություններին։
Թրամփի վերջին գրառումը կատարվել է այն բանից հետո, երբ նա շաբաթվա սկզբին լրագրողներին ասել էր, որ երկու երկրները կարող են համաձայնության գալ երկու կամ երեք օրվա ընթացքում։
Թարգմանությունը՝ Էմմա Չոբանյանի
