30.06.2026 | 21:50
ԱՄՆ Գերագույն դատարանը մերժել է ծննդյան իրավունքով քաղաքացիության տրամադրումը սահմանափակելու՝ Թրամփի առաջարկը
Լևոն Տեր-Պետրոսյանը քվեարկության չի գնացել
Քաղաքականություն
10.06.2026 | 16:19
Հայաստանի առաջին, հիմնադիր նախագահ Լևոն Տեր-Պետրոսյանը չի մասնակցել Ազգային ժողովի ընտրությունների քվեարկությանը։ Այս մասին տեղեկանում ենք ԿԸՀ-ի կողմից հրապարակված ընտրողների ստորագրված ցուցակից։ Ընտրություններին չեն մանակցել նաև Տեր-Պետրոսյանի կինը՝ Լյուդմիլա Տեր-Պետրոսյանը և թոռը՝ Լևոն Տեր-Պետրոսյանը։ Առաջին նախագահի խոսնակ Արման Մուսինյանից փորձեցինք ճշտել, թե ինչու Տեր-Պետրոսյանը չի մասնակցել ընտրություններին, սակայն նա որևէ մեկնաբանություն չտվեց չքվեարկելու պատճառի վերաբերյալ մեր հարցին։
Նշենք, որ Հայ ազգային կոնգրեսը ընտրություններին մասնակցում էր Լևոն Զուրաբյանի գլխավորած ցուցակով։ Սակայն ուշագրավ է, որ երբ ՀԱԿ-ն արդեն հայտնել էր ընտրություններին մասնակցելու մասին, Լևոն Տեր-Պետրոսյանն իր հրապարակային խոսքով սատարում էր ընտրություններին մասնակցող մեկ այլ քաղաքական ուժի՝ «Ուժեղ Հայաստան» կուսակցության առաջնորդ Սամվել Կարապետյանին։
ԿԸՀ-ի հրապարակած նախնական պաշտոնական տվյալներով Հայ ազգային կոնգրեսի օգտին ընտրություններին մասնակցած 1 մլն 476 հզ 597 ընտրողից քվեարկել է 3206-ը։
Արաքս Մամուլյան
