02.07.2026 | 22:37
Վթարային ջրանջատում` Արարատի մարզում
Եթե էս ծավալի խախտումներ ու միջամտություններ չլինեին, Կարապետյանը կլիներ իշխող ուժի առաջնորդ. Մելոյան․ ՏԵՍԱՆՅՈՒԹ
Քաղաքականություն
10.06.2026 | 18:03
«Եթե էս ծավալի խախտումներ ու միջամտություններ տեղի չունենային, իմ քաղաքական ուժի առաջնորդը հիմա կլիներ իշխող ուժի առաջնորդ»,- ասուլիսում հայտարարեց «Ուժեղ Հայաստան» կուսակցությունների դաշինքի պատգամավորի թեկնածու Գոհար Մելոյանը։
«Բազմաթիվ ծավալուն խախտումներ են եղել, ու մեր առաջնորդը պատահական չէր պնդում, որ հաղթելու ենք։ Մենք ունեինք համոզմունք, որ մենք հաղթանակող ուժ ենք։ Ամեն նախադրյալ կար, լուրջ սոցիալական ուսումնասիրություններ կային։ Եթե քաղաքացու նկատմամբ նման միջամտություններ չլինեն, ես համոզմունք ունեմ, որ լրիվ այլ պատկեր էր լինելու»,- բացատրեց Մելոյանը։
Նա պնդեց, որ եղել են տարբեր տեսակի խախտումներ՝ սկսած իրենց թիմակիցների ու աջակիցների ձերբակալություններից և կալանավորումներից, մինչև վախի մթնոլորտի ձևավորում և ընտրական գործընթացների վրա ազդեցության փորձեր։ Նրա խոսքով՝ նման պայմաններում ընտրությունների իրական արդյունքը չի արտացոլում քաղաքացիների կամքը։
Նշենք, որ «Ուժեղ Հայաստան» կուսակցությունների դաշինքն ընտրությունների նախնական արդյունքներով ստացել է 340,088 ձայն (23,281%), իսկ ՔՊ-ն 727,820 ձայն (49.825%)։
Մանրամասները՝ տեսանյութում։
Արփի Հակոբյան
