02.07.2026 | 23:19
ԵԱԶԲ-ն կաջակցի Զանգեզուրի պղնձամոլիբդենային կոմբինատի արտադրական հզորությունների ընդլայնման ծրագրին
120 ձայն հետ է եկել` մեր հաշվարկներով, վերահաշվարկ ենք պահանջել․ Արման Աբովյան․ ՏԵՍԱՆՅՈՒԹ
Քաղաքականություն
08.06.2026 | 17:56
«Բարգավաճ Հայաստան» կուսակցությունը հենց այս պահին վերահաշվարկի պրոցեսի մեջ է. մենք պահանջել ենք այն տվյալների վերահաշվարկը։ Այս մասին հայտարարել է կուսակցության պատգամավորության թեկնածու Արման Աբովյանը։
«Պրոցեսներ են գնում, երբ, օրինակ, ամենավերջին պահին հրապարակված մեր թվից պարզվում է, որ ինչ-որ հազարերորդական քանակով ձայներ են պակասում։ Այս պահի դրությամբ, քանի որ պրոցեսը ընթացքի մեջ է, տեղամասերի հստակ քանակը չեմ ասի, բայց հավատացնում եմ ձեզ՝ մեկ կամ երկու չեն։ Ըստ էության, ունենք տվյալներ, որ ընդամենը չորս ընտրատարածքից արդեն 120 ձայն վերադարձել է մեզ։ Սա բացահայտվել է վերահաշվարկի և համեմատության արդյունքում։
Կան տվյալներ, որ այն պրոցեսները, որոնց մենք ականատես ենք, իրականում ոչ թե տեխնիկական բնույթ են կրում (սա իմ հիմնավոր կասկածն ու ենթադրությունն է), այլ քաղաքական։ Հաշվի առնելով այն գործընթացները, որոնք կարող են ծավալվել Ազգային ժողովում՝ լրիվ այլ պրոցես կգնա, եթե լինի երեք կամ չորս ընդդիմադիր ուժ, և այլ՝ եթե լինի երկու ընդդիմադիր ուժ»,- ասել է նա։
Մանրամասները՝ տեսանյութում։
