12.09.2026 | 15:44
Պուտինը սպառնում է Եվրոպային պատերազմով՝ Ուկրաինա զորքեր մտցնելու դեպքում․ DW
Քիչ է մնում ասեն՝ մայիսից զենք չի մատակարարվել, հարձակվեք. Նիկոլ Փաշինյան. ՏԵՍԱՆՅՈՒԹ
Քաղաքականություն
27.11.2018 | 14:00
Հայաստանը պետք է շարունակի աշխատանքը Ռուսաստանի հետ դաշնակցային հարաբերություններն ուժեղացնելու համար: Վանաձորում ունեցած ելույթում հայտարարեց վարչապետի պաշտոնակատար Նիկոլ Փաշինյանը՝ նախընտրական քարոզարշավի շրջանակում անդրադառնալով արտաքին քաղաքականությանը վերաբերող հարցերին:
«Մենք ասել ենք, որ Ռուսաստանի հետ հարաբերությունները պետք է բարձրացնենք նոր առավել վստահելի մակարդակի վրա: Ե՛վ ԵՏՄ, և՛ ՀԱՊԿ շրջանակներում, բայց նաև երկկողմ մակարդակում»,- ընդգծեց Փաշինյանը՝ նկատելով, որ այս փուլում ՀԱՊԿ շրջանակում ընթացող բուռն քննարկումները նաև պարզ են դարձնում այն պարտականություններն ու պարտավորությունները, որոնք կան գործընկեր երկրների միջև:
Փաշինյանն անդրադարձավ նաև երեկ ՀՅԴ բյուրոյի ներկայացուցիչ Հրանտ Մարգարյանի այն հայտարարությանը, որ մայիս ամսից Հայաստան զենք չի մատակարարվել: «Ես էդ կարգի հայտարարութունները կարդում եմ, մտածում եմ՝ քիչ է մնում ասեն, տղերք, մայիսից Հայաստանին զենք չի մատակարարվել, հարձակվեք, հարձակվեք, դուք էս կողմից, մենք՝ էս կողմից, իսկական ժամանակն է»,- նշեց Փաշինյանն ապա շեշտեց՝ Հայաստանին զենքի մատակարարումն ընթանում է բնականոն ձևով:
Մանրամասները՝ տեսանյութում:
