12.09.2026 | 16:00
Ֆրանսիան փորձում է հասնել Ալիշեր Ուսմանովի նկատմամբ ԵՄ պատժամիջոցների վերացմանը
Մինչև 2023 թ. մենք ծայրահեղ աղքատներ չպիտի ունենանք. Նիկոլ Փաշինյանը ներկայացրեց հետագա ծրագրերը. ՏԵՍԱՆՅՈՒԹ
Քաղաքականություն
27.11.2018 | 13:51
Վարչապետի պաշտոնակատար Նիկոլ Փաշինյանն այսօր Վանաձորում խոսեց նաև «Իմ քայլը» դաշինքի ծրագրերի մասին:
Փաշինյանի խոսքով` մի շարք ներդրողներ պատրաստվում են Երևանում ու մարզերում մեքենաշինական, հագուստի, վերելակի և արտադրություն հիմնել. «Երևանում «Հայէլեկտրո» գործարանի տարածքը մեր հայրենակից ներդրողն արդեն վերցրել է ու մտադիր է այնտեղ մեքենաշինական ոլորտի գործարան ստեղծել, որը ենթադրում է մի քանի հարյուր աշխատատեղ։ Հայաստանում հիմնադրվելու է ֆոտովոլտային մարտկոցների արտադրություն։ Անհրաժեշտ սարքավորումներն արդեն առկա են, ու մնում է կառավարությունը տարածքը հատկացնի»:
Նիկոլ Փաշինյանը նշեց, որ հագուստի գործարան էլ կհիմնվի. «Արթիկում նախատեսվում է հագուստի արտադրամասի բացում, որը կունենա մոտ 200 աշխատատեղ. Գյումրիում դեկտեմբերին նման մեծ արտադրամաս կբացվի։ Նաև վերելակների արտադրություն է նախատեսվում»:
Վարչապետի պաշտոնակատարը կարևորեց նաև աղքատության ցուցանիշի կրճատումը, ընդգծելով, որ իրենք քայլեր կձեռնարկեն, որպեսզւ երկրում ծայրահեղ աղքատներ չլինեն:
Մանրամասները` տեսանյութում:
