Եթե իշխանությունները խորաթափանց լինեն, կփորձեն այս շրջանում խուսափել ձերբակալություններից. Վարուժան Հոկտանյան․ ՏԵՍԱՆՅՈՒԹ

Եթե իշխանություններն ավելի խորաթափանց լինեն, այս շրջանում կխուսափեն ձերբակալություններից:

Այսօր՝ նոյեմբերի 27-ին կազմակերպված քննարկման ժամանակ այս մասին ասաց «Թրանսփարենսի ինթերնեյշնլ» հակակոռուպցիոն կենտրոնի ծրագրերի ղեկավար Վարուժան Հոկտանյանը՝ պատասխանելով հարցին, թե եթե այս ընթացքում նորից ձերբակալություններ լինեն կոռուպցիոն պայքարի շրջանակում, արդյո՞ք դա ընտրապայքարի միջոց պետք է դիտարկվի: «Ճիշտ կլիներ, եթե դա արվեր մինչև քարոզարշավը, և եթե հիմա արվի, կարող է ընկալվել որպես ընտրապայքարի միջոց:

Եթե իշխանություններն ավելի խորաթափանց լինեն, այս շրջանում կփորձեն չանել, քանի որ դա շտ լավ կօգտագործվի իրենց հակառակորդների կողմից»,- հավելեց Վարուժան Հոկտանյանը: «Իրազեկ քաղաքացիների միավորում» կազմակերպության ծրագրերի համակարգող Դանիել Իոաննիսյանն իր հերթին հիշեցրեց, որ այսօր քննվելու է ՀՀ երկրորդ նախագահ Ռոբերտ Քոչարյանի՝ կալանքի հարցով վերաքննիչ բողոքի քննությունը: «Չի բացառվում, որ Վերաքննիչ դատարանը կալանքի որոշում կայացնի: Եթե Ռոբերտ Քոչարյանը կալանավորվի այսօր, արդյո՞ք դա դրական կազդի իշխող կուսակցության ռեյտինգի վրա. երևի՝ այո: Բայց արդյո՞ք մեզ համար ընդունելի կլիներ, որ գործադիր իշխանությունից զանգեին դատարան և ասեին, որպեսզի այսպես չլինի, այդ նիստն արեք քարոզարշավից հետո»,- հավելեց Իոաննիսյանը:

Մանրամասները՝ տեսանյութում