22.10.2026 | 23:31
Ուսանողական վիզայի պայմանների խախտումը կարող է զրկել ապագայում ԱՄՆ վիզա ստանալու իրավունքից
Օհայոյում փառատոնի ժամանակ հնչած կրակոցների հետևանքով առնվազն 12 մարդ է վիրավորվել
Քաղաքականություն
07.06.2026 | 15:18
ԱՄՆ Օհայո նահանգի Տոլեդո քաղաքի Old West End փառատոնի ժամանակ հնչած կրակոցների հետևանքով վիրավորվել է առնվազն 12 մարդ, որոնցից երկուսը ծանր վիճակում են: Այս մասին հայտնել է փոխոստիկանապետ Ջոզեֆ Հեֆերնանը՝ հավելելով, որ դեռևս ոչ մի կասկածյալ չի ձերբակալվել, գրում է DW-ի ռուսական ծառայությունը։
Հեֆերնանը նշել է, որ միջադեպին մասնակցել է առնվազն 2 մարդ, որոնք, հավանաբար, կրակել են միմյանց վրա: Մեկ այլ ոստիկան՝ Դեն Գերկենը, նշել է, որ տուժածների միջին տարիքը մոտ 20 տարեկան է։
AFP-ն հաղորդում է, որ իշխանությունները զննում են տարածքը՝ կասկածյալներին գտնելու համար, հարցաքննում վկաներին և վերանայում բջջային հեռախոսների տեսագրությունները: CNN-ի տվյալներով՝ ոստիկանությունը մարդկանց խնդրում է հետաքննության ընթացքում խուսափել որոշակի տարածքներից: Դեպքի վայրում շարունակում է մնալ ոստիկանության զգալի ներկայություն:
Old West End-ն ամենամյա երկօրյա փառատոն է Տոլեդոյի պատմական վիկտորիանական թաղամասում։ Միջոցառումը նախատեսված էր սկսել շքերթով և կենդանի երաժշտությամբ։
Թարգմանությունը՝ Էմմա Չոբանյանի
