Հետընտրական պրոցեսներ բացառում ենք, անհնար է դա. Ալեն Սիմոնյան․ ՏԵՍԱՆՅՈՒԹ

ԱԺ նախագահ Ալեն Սիմոնյանը լրագրողների հետ զրույցում անդրադարձել է հետևընտրական պրոցեսների հավանականությանը՝ բացառելով է նման զարգացումը և կոչ արելով ընդդիմություններին հանրահավաքներ կազմակերպելու փորձ անել։

«Չի կարող այդպիսի բան լինել․ եթե ընտրությունները ազատ-արդար են, ինչպես 18 թվականից սկսած, ապա չի կարող այդպիսի բան լինել: Դա բացառվում, անհնար բան է, անհնար: Ընդդիմությունն արդեն գիտի, որ պարտվելու է, արդեն խոսում են հետընտրական զարգացումների մասին։ Ես պնդում եմ, որ ընդդիմությունը չի կարող հանրահավաք անի: Նույնիսկ եթե միավորվեն, իրենք չեն կարող հանրահավաք անել։ Կոչ եմ անում ընդդիմությանը անպայման հանրահավաք անի․ մի հատ շաբաթ օրը, մի հատ մյուս շաբաթվա մեջ։ Ասում եմ՝ չեն կարողանալու»,- ասել է Ալեն Սիմոնյանը։

Նրա խոսքով՝ ակնկալվում է, որ 2031 թվականին նույնպես «Քաղաքացիական պայմանագիր» կուսակցության թեկնածուն Նիկոլ Փաշինյանը կլինի։ Աղջկա հետ ընտրություններին մասնակցելուց հետո լրագրողների հարցերին պաստախանելիս Սիմոնյանը կոշտ անդրադրաձավ Նիկոլ Փաշինյանի՝ 3-րդ անգամ ընտրվելու ցանկությունը Սերժ Սարգսյանի՝ նույն ցանկության հետ համեմատող դիտարկումներին։

«Պառլամենտական երկիրը ենթադրում է, որ կարող է տարին մեկ կամ վեց ամիստ մեկ ընտրություն լինի։ Դարձավ 3-4 ժամկե՞տ։ Համեմատում եք Սերժ Սարգսյանի և նախագահական երկրի տրամաբանությունը պառլամենտական տրամաբանության հե՞տ։ Այսինքն Սերժ Սարգսյանն էլ է երրորդ ժամկետի գնացել, Անգելա Մերկելը կամ Մարգարետ Թետչե՞րն էլ։ Պառլամենտական երկիրը ենթադրում է, որ կուսակցությունը երկու անգամ մասնակցելուց հետո պետք է ընտրությունների չմասնակցի՞»,- արձագանքել է Ալեն Սիմոնյանը։

Ալեն Սիմոնյանն անդրադարձել է նաև ընտրակաշառքների դեպքերին պնդելով, որ իրավապահներն աշխատում են ու շատ խիստ են լինելու, ասել, որ շատ գոհ է քարոզարշավի ընթացքում քաղաքացիների արձագանքից ու ամասնակցության բհարձր ցուցանիշ ապահովելու պատրաստակամությունից ու հայտնել, որ ըստ անհրաժեշտության պատրաստ են ու կարող են լինել ընդդիմություն։