30.03.2026 | 13:24
Իտալիայում թանգարանից գողացել են Ռենուարի, Սեզանի և Մատիսի նկարները
Ձայն չտաք այն ուժերին, որոնք երբևէ ընտրակաշառք ու սպառնալիք են կիրառել. Նիկոլ Փաշինյան. ՏԵՍԱՆՅՈՒԹ
Քաղաքականություն
27.11.2018 | 12:04
Այսօր նախընտրական քարոզարշավի երկրորդ օրն է: «Իմ քայլը» դաշինքի քարոզարշավը շարունակում է արդեն Լոռու մարզում:
«Շատ հուզիչ օր է, մենք այստեղ հասանք Գյումրիից այն ճանապարհով, որով անցել էինք մարտի 31-ին»,- Սպիտակ քաղաքում ունեցած ելույթն այսպրես սկսեց վարչապետի պաշտոնակատար Նիկոլ Փաշինյանն, ապա անդրադարձավ քաղաքացիների շրջանում հնարավոր վախի մթնոլորտին:
«Եթե նկատի ունեն Հանրապետականի պաստառները, որ գիշերվա սատանայի նման հայտնվում են, ես դա կարող եմ հասկանալ, բայց ապրիլին տեղի է ունեցել հեղափոխություն, դեկտեմբերին լինելու են ընտրություններ, մենք իշխանությունը վերադարձրել ենք ձեզ, դուք որևէ ուժից վախենալու բան չունեք, իրենք պետք է ձեզնից վախենան»,- ընդգծեց վարչապետի պաշտոնակատարը՝ կրկին նշելով, որ այսօր ՀՀ-ում իշխանությունը 100 տոկոսով վերադարձված է ժողովրդին:
«Ոչ մի ձայն Հանրապետական կուսակցությանը, որովհետև չի կարելի ներել, փորձը ցույց է տալիս՝ ինչքան փորձում ենք լարումներ չմտցնել, ոմանք առիթավորվում են դրանից, այս ընտրություններում կա պատմական առաքելություն՝ Հանրապետականի թալանչի բրիգադը պետք է նետվի պատմության աղբանոց: Իրենք ասում են՝ եթե մտահոգ ես, ընտրիր ՀՀԿ-ին, ես էլ ասում եմ՝ եթե ազատ ես, արժանպատիվ ձայն չտաս Հանրապետականին, ձայն չտաք էն ուժերին, որոնք թեկուզ մեկ անգամ փորձել են ընկտրակաշառքով ընտրություն հաղթել, ոչ մի ձայն այն ուժին, որ մտածում են ՀՀ-ում կարելի է զենքով հարցեր լուծել»,- կոչ արեց Նիկոլ Փաշինյանը:
Մանրամասները՝ տեսանյութում:
