13.08.2026 | 01:00
ՊՍԺ-ն` Եվրոպայի Սուպերգավաթի հաղթող. ՏԵՍԱՆՅՈՒԹ
Ընտրություններից առաջ Հայաստան ժամանած ՀՀ քաղաքացիների թիվը ավելի քիչ է, քան նախորդ տարի
05.06.2026 | 22:40
2026 թվականի մայիսի 1-ից հունիսի 4-ն ընկած ժամանակահատվածում Հայաստան ժամանած ՀՀ քաղաքացիների թիվն ավելի քիչ է եղել, քան նախորդ տարվա նույն օրերին։ Տարբերությունը եղել է 13 հազար 390 ՀՀ քաղաքացի կամ 7,5 տոկոսով պակաս։
Factor.am-ն Ազգային անվտանգության ծառայության տրամադրած տվյալների հիման վրա պարզել է, որ 2025 թվականի մայիսին և հունիսի առաջին 4 օրերին օդային և ցամաքային ճանապարհով Հայաստան է ժամանել 193 հազար 47 ՀՀ քաղաքացի, իսկ 2026-ի նույն օրերին՝ 179 հազար 657 ՀՀ քաղաքացի։
Ինչքան ՀՀ քաղաքացի է մուտք գործել Հայաստան by Factor tv
Միաժամանակ, օդային ճանապարհով՝ Գյումրիի «Շիրակ» ու Երևանի «Զվարթնոց» օդանավակայանների անցակետերով 2026 թվականին Հայաստան ժամանել է 2571-ով ավելի շատ ՀՀ քաղաքացի, քան 2025 թվականին։ Նախորդ տարի նրանց թիվը 79 հազար 670 էր, այս տարի՝ 82 հազար 241 քաղաքացի։
Ավելի վաղ Factor.am-ն ներկայացրել է ուսումնասիրություններ, որոնց համաձայն՝ Ռուսաստանից Հայաստան չվերթների թիվը հունիսի 1-3-ին աճել է 30%ով, իսկ 4-6-ին՝ մոտ 33%-ով։
Այսպիսով՝ պնդումները, որ Ռուսաստանից 100 հազարավոր մարդկանց են բերում հունիսի 7-ի ընտրություններին մասնակցելու նպատակով, կա՛մ չեն համապատասխանում իրականությանը, կա՛մ անցած տարի ՀՀ քաղաքացիներն անձնական շարժառիթներով ավելի շատ են եկել հայրենիք։
Գայանե Խաչատրյան
