12.09.2026 | 16:36
Վանաձորի օդում փոշու պարունակությունը գերազանցել է թույլատրելի սահմանը
Չեմ հիշում, որ հանրահավաքի ընթացքում, ՀՀԿ-ից բացի, այլ ուժի էլ քննադատենք. Սուրեն Պապիկյան. ՏԵՍԱՆՅՈՒԹ
Քաղաքականություն
27.11.2018 | 11:42
Չեմ հիշում, որ որևէ հանրահավաքի ընթացքում, ՀՀԿ-ից բացի, անդրադարձած լինենք այլ քաղաքական ուժի: Այսօր՝ նոյեմբերի 27-ին նախընտրական քարոզարշավի շրջանակում Լոռու մարզ կատարած այցի ընթացքում Factor.am-ի հետ զրույցում այս մասին ասաց տարածքային կառավարման և զարգացման նախարարի պաշտոնակատար, «Իմ քայլը» դաշինքից Սուրեն Պապիկյանը:
«Իսկ Հանրապետականին քննադատում ենք այնքանով, որքանով քննադատելի են»,- հավելեց նա:
Ընտրությունների արդյունքներից ակնկալիքների մասին հարցին Սուրեն Պապիկյանը դժվարացավ պատասխանել. «Կանխատեսումներ անել չեմ ուզում, բայց ժողովրդի աջակցությունը տեսնելով՝ լիահույս եմ, որ կունենանք հանրության զգալի մասի աջակցությունը»:
Իսկ իրեն խորհրդարանական ընտրություններից հետո Սուրեն Պապիկյանը պատկերացնում է Հայաստանի Հանրապետությանը ծառայելիս՝ անկախ զբաղեցրած պաշտոնից:
Մանրամասները՝ տեսանյութում
