16.07.2026 | 23:29
Հետաքննությունը պարզել է, որ Ալիևի թոռներն անօրինական կերպով օգտագործում են պաշտոնական լիմուզիններն և անվտանգության մեքենաները
ՆԱԽԸՆՏՐԱԿԱՆ ԲԱՆԱՎԵՃ․ Պատժամիջո՞ց, շանտա՞ժ, թե՞ ապահարզան․ ինչ է ուզում Մոսկվան Հայաստանից
Քաղաքականություն
05.06.2026 | 16:15
ԱԺ ընտրությունների թեժ փուլում ՀՀ-ի տնտեսության դիվերսիֆիկացիան և ՌԴ-ի տնտեսական սահմանափակումների հարցը դարձել է բանավեճի գլխավոր հարցադրումներից մեկը։ Արդյո՞ք տնտեսական պատերազմ է ՌԴ-ի հետ, որը արդեն մեկ տասնյակից ավելի հայկական ապրանքների ներկրումն իր տարածք սահմանափակել է՝ ԵՏՄ նորմերին չհամապատասխանելու պատճառաբանությամբ։
Միաժամանակ, ԵՄ-ն տրամադրում է 50 մլն եվրո առաջին օգնություն, որպեսզի տնտեսվարողները հաղթահարեն առաջացած դժվարությունները։ Լիտվա է արտահանվում ՌԴ-ի կողմից մերժված ծաղիկների խմբաքանակ։ ՀՀ-ի իշխանությունը ՌԴ-ի տնտեսական սահմանափակումների տակ տեսնում է քաղաքական մոտիվացիա՝ պնդելով, թե անկախությունը չեն փոխի ելակի հետ։
Ո՞րն է ՌԴ-ի կիրառած տնտեսական սահմանափակումների կամ պատժամիջոցների պատճառը, ինչքա՞ն հեռու կգնա ՌԴ-ն, ՀՀ-ն ԵՄ-ի աջակցությամբ ունակ կլինի՞ հաղթահարել այս ճգնաժամը, որպեսզի տնտեսությունը չփլուզվի։
Factor TV-ում հրավիրել ենք նախընտրական բանավեճ, որին մասնակցում են Միքայել Մելքումյանը՝ ԲՀԿ պատգամավորի թեկնածու, Հովհանես Մովսիսյանը՝ «Նոր Ուժ» կուսակցության պատգամավորի թեկնածու, Բաբկեն Թունյանը՝ ՔՊ կուսակցության պատգամավորի թեկնածու, Մհեր Բեջանյանը՝ Հանրապետություն կուսակցության պատգամավորի թեկնածու, Արմեն Եղիազարյանը՝ «Միասնության թևեր» կուսակցության պատգամավորի թեկնածու։
Հաղորդումն ամբողջությամբ՝ տեսանյութում։
Ռոբերտ Անանյան
