21.01.2026 | 20:22
Կամո Ցուցուլյանին գեներալ-մայորի կոչում է շնորհվել
Ոստիկանությունը երբևիցե չի եղել այսքան թույլ և նվաստացված իշխանության կողմից․ Դավիթ Շահնազարյան․ ՏԵՍԱՆՅՈՒԹ
Քաղաքականություն
27.11.2018 | 11:26
«Հանրապետական» կուսակցության ընտրացուցակով առաջադրված պատգամավորի թեկնածու Դավիթ Շահնազարյանի համոզմամբ՝ մինչ արտահերթ ընտրություններին իր մասնակցությունը, բազմիցս դրանց մասին խոսել է և հնչեցրել տեսակետ, որ այս ընտրություններով որևէ լավ բան չի կարող լինել երկրում, քանի որ չի հաստատվի ներքաղաքական կայունություն, իսկ դեկտեմբերի 9-ին արձանագրված ընտրությունների արդյունքները ամբողջությամբ այլ կլինեն մի քանի ամիս անց։
Այս մասին այսօր հրավիրված մամուլի ասուլիսի ժամանակ ասաց պատգամավորի թեկնածուն՝ շեշտելով, որ ընտրություններ են տեղի ունենում բացառապես մեկ մարդու որոշմամբ։
«Ընտրությունները փաթաթված են մեր հասարակությանը, իսկ իշխող վարչախումբն ամեն ինչ անում է, որ ստվեր գցի ընտրությունների լեգիտիմության վրա՝ կիրառելով վարչական ռեսուրս»,- ասաց Շահնազարյանը։
Վերջինս խոսեց նաև երկրին սպառնացող արտաքին և ներքին մարտահրավերների մասին և առանձնացրեց, իր բնորոշմամբ, ներքին մարտահրավերներից մեկը:
«Պատկերացնում եք՝ ի՞նչ է կատարվում․ համաներում՝ 2 տարի առաջ պետության դեմ կատարված ահաբեկչական գործողություն կատարողների նկատմամբ։ Ոչ միայն ներում է պետության դեմ կրակոց արձակած կրակողներին, այլ նաև ասում է, որ համաներման որոշումը պետք է ընդունեն նաև զոհված զինվորների հարազատները։ Այդ մարդկանց ազատ արձակելը լրջագույն հարված էր իրավապահ համակարգին․ ոստիկանությունը երբևիցե չի եղել այսքան թույլ և նվաստացված իշխանության կողմից, իսկ այսօրվա ոստիկանապետն այս մասին պետք է մտածի»,- ասաց Շահնազարյանը։
Մանրամասները՝ տեսանյութում։
