05.09.2026 | 10:05
ՊՍԺ-ն նոր պայմանագիր է կնքել Լուիս Էնրիկեի հետ
Հայկ Մարությանը հեռացավ բանավեճից` բացման խոսքից հետո և Փաշինյանին բանավեճի հրավիրեց. ՏԵՍԱՆՅՈՒԹ
Քաղաքականություն
04.06.2026 | 22:10
«Նոր ուժ» ռեֆորմիստական կուսակցության առաջնորդ Հայկ Մարությանը լքել է Հանրային հեռուստաընկերության եթերում ընթացող «Հայաստանն ընտրում է» նախընտրական բանավեճի տաղավարը։
Նախքան հեռանալը՝ նա կոչ է արել քաղաքացիներին հունիսի 7-ին անպայման գնալ ընտրության, իսկ բազմամարդ բանավեճի ձևաչափը որակել է որպես անարդյունավետ։
«Անցած երկու դեբատները ցույց տվեցին, որ այս ֆորմատը էֆեկտիվ չէ, և այն ի վերջո վերածվում է բենեֆիսի՝ բալագանի էլեմենտներով։ Այնինչ ես համոզված եմ, որ այստեղ յուրաքանչյուր իրական ընդդիմադիր ուժի ներկայացուցիչ տետ-ա-տետ բանավեճի ժամանակ վստահաբար կարող է բմբլահան անել իշխանության ներկայացուցիչներին»,- հայտարարել է Մարությանը։
Այնուհետև նա ուղիղ դիմել է վարչապետ Նիկոլ Փաշինյանին. «Պարո՛ն Փաշինյան, հրավիրում եմ ձեզ տետ-ա-տետ բանավեճի. կարող է լինել վաղը, ձեր ուզած ժամին, ձեր ուզած վայրում… կարող ենք բանավիճել»։
Մանրամասները՝ տեսանյութում։
