06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Բայրամովը հուլիսին Մոսկվա կայցելի
Քաղաքականություն
04.06.2026 | 21:20
Ադրբեջանի ԱԳ նախարար Ջեյհուն Բայրամովը հուլիսին աշխատանքային այցով կմեկնի Մոսկվա։ Այս մասին հայտնել է Ռուսաստանում Ադրբեջանի դեսպան Ռահման Մուստաֆաևը՝ Սանկտ Պետերբուրգի միջազգային տնտեսական ֆորումի շրջանակում կայացած «Ռուսաստան-Ադրբեջան» նիստում, գրում են ադրբեջանական լրատվամիջոցները։
«Քաղաքական երկխոսության առումով, պետությունների ղեկավարների մակարդակով երկխոսության հետ մեկտեղ, պայմանավորվածություն է ձեռք բերվել, որ Ադրբեջանի արտաքին գործերի նախարար Ջեյհուն Բայրամովն առաջիկայում՝ հուլիսին, ռուսական կողմի հրավերով աշխատանքային այց կատարի Մոսկվա»,- ասել է նա։
Նա ընդգծել է, որ սա «կարևոր հանգրվան կլինի Ռուսաստանի և Ադրբեջանի միջև հարաբերություններում»։ Դեսպանի խոսքով՝ Ռուսաստանի և Ադրբեջանի հարաբերությունները կարգավորման ակտիվ փուլում են «դժվարին տարվանից» հետո։ Մուստաֆաևը հարաբերություններում առկա ճգնաժամը պայմանավորել է երկու երկրների նախագահներ Վլադիմիր Պուտինի և Իլհամ Ալիևի «քաղաքական կամքով և իմաստությամբ»։
Թարգմանությունը՝ Էմմա Չոբանյանի
