24.06.2026 | 18:46
Ավետիք Չալաբյանը երկու ամսով կալանավորվեց
Մրգերի, խմիչքի, հանքային ջրերի համար նմանատիպ մեխանիզմ պիտի ներդնենք. Գրիգորյան․ ՏԵՍԱՆՅՈՒԹ
Տեսանյութեր
04.06.2026 | 13:09
Կառավարությունը պատրաստվում է արտահանման աջակցության մեխանիզմը տարածել նաև մրգերի, խմիչքների և հանքային ջրերի վրա։ Այս մասին կառավարության նիստում հայտարարեց փոխվարչապետ Մհեր Գրիգորյանը՝ նշելով, որ եթե մոտեցումների վերաբերյալ հստակ պատկերացումները ձևավորված են, ապա համապատասխան նախագիծը կարող է շրջանառության մեջ դրվել գրավոր ընթացակարգով։
Էկոնոմիկայի փոխնախարար Արման Խոջոյանը նշեց, որ ժամանակակից տեխնոլոգիաներով հագեցած ջերմատնային տնտեսությունների մեծ մասն արդեն ներդրել է Global GAP սերտիֆիկացման համակարգը և ստացել համապատասխան սերտիֆիկատներ։
Նրա խոսքով՝ գործում է նաև պետական աջակցության ծրագիր, որի շրջանակում միջազգային ստանդարտներին համապատասխան սերտիֆիկատների ձեռքբերման ծախսերի 50 տոկոսը փոխհատուցվում է։ Խոջոյանը նաև ասաց, որ նախարարությունը քննարկումներ է անցկացրել այգետերերի հետ, որոնց կողմից ներկայացված մի շարք առաջարկներ նախատեսվում է հաշվի առնել՝ ծրագրի կիրառությունն ընդլայնելու նպատակով։
Փոխվարչապետ Մհեր Գրիգորյանն էլ ընդգծեց, որ որակի բարձր չափանիշների ապահովումը կարևոր է ոչ միայն արտահանման, այլև ներքին սպառման համար։ Նրա խոսքով՝ պետության առաջնահերթություններից է, որպեսզի Հայաստանի քաղաքացիները նույնպես սպառեն բարձրորակ արտադրանք։ Փոխվարչապետն առաջարկեց հունիս ամսվա համար սահմանել ժամանակավոր միջոցառում, ինչը հնարավորություն կտա հետագայում վերանայել և ճշգրտել հուլիս-օգոստոս ամիսներին կիրառվելիք լուծումները։
Մանրամասները` տեսանյութում:
