05.07.2026 | 12:05
Միշուստինը Եկատերինբուրգում բանակցություններ կվարի Փաշինյանի հետ
Հույս ունենանք, որ Սասուն Միքայելյանը չի հասկացել, թե ինչ է ասել․ Գեղամ Մանուկյան․ ՏԵՍԱՆՅՈՒԹ
Քաղաքականություն
26.11.2018 | 18:59
ՀՅԴ-ական Գեղամ Մանուկյանն այսօր կուսակցության քարոզարշավի ժամանակ մեկնաբանեց «Իմ քայլը» դաշինքի անդամ Սասուն Միքայելյանի ելույթը, որում վերջինս համեմատական էր տարել հեղափոխության և Արցախյան ազատամարտի միջև։
«Հույս ունենանք, որ Սասուն Միքայելյանը չի հասկացել, թե ինչ է ասել»,- ասաց դաշնակցական պատգամավորի թեկնածուն։
«Հրազդանցիներից շատերն են հիշում, թե Սասուն Միքայելյանը ինչ էր անում 1995 – 1996 թվերին։ Այսօր Սասուն Միքայելյանը թույլ է տալիս Ապրիլյան շարժումը համեմատել Արցախի գոյամարտի հետ։ Երկու տարբերակ կա, կամ չի հասկացել, կամ ուզում է նսեմացնել ազատամարտի արժեքը»,-ասաց Մանուկյանը։
Հիշեցնենք, որ ավելի վաղ Սասուն Միքայելյանը «Իմ քայլը» դաշինքի քարոզարշավի ժամանակ իր ելույթում նշել էր․ «Մենք հաղթել ենք Արցախյան պատերազմում, բայց ես չեմ վարանի ասել՝ այս հաղթանակը, որ մեր հանրապետությունում կրեցիք դուք՝ հայ ժողովուրդը, ավելի կարևոր էր, քան Արցախյան ազատամարտը, որովհետև այն հաղթանակը կատարվեց մեր ազգի քաջորդիների շնորհիվ, այն հաղթանակի արդյունքը պետք է տեսներ մեր հայ ժողովուրդը, սակայն նախկին իշխանությունները թույլ չտվեցին: Մեր ժողովուրդը չհասկացավ մեր հաղթանակի գինը, մեր ժողովուրդը չպատկերացրեց՝ մարդիկ ինչի համար գլուխները դրեցին զոհասեղանին»։
Մանրամասները՝ տեսանյութում։
