23.10.2026 | 22:28
Նեթանյահուն հրահանգել է շրջափակել Հորդանան գետի օկուպացված Արևմտյան ափը
Ուկրաինան Ադրբեջանին առաջարկել է օգտագործել Եվրոպայի ամենամեծ ստորգետնյա գազապահեստարանները
Քաղաքականություն
01.06.2026 | 17:48
Ադրբեջանը կամրապնդի իր դիրքերը որպես հուսալի էներգամատակարար՝ Ուկրաինայի հետ համատեղ նախագծերի միջոցով։ Ադրբեջանական լրատվամիջոցների հաղորդմամբ՝ այս մասին հայտարարել է Ուկրաինայի առաջին փոխվարչապետ և էներգետիկայի նախարար Դենիս Շմիգալը՝ ելույթ ունենալով Բաքվի 31-րդ էներգետիկ ֆորումում։
«Ուկրաինան արդեն դարձել է թարմացված եվրոպական գազային քարտեզի մաս, ներառյալ՝ Տրանսբալկանյան երթուղին, որի միջոցով կասպյան գազը կարող է հասնել էներգիայի պակասորդ ունեցող Եվրոպայի շրջաններ: Այս միջանցքով ադրբեջանական գազի առաջին փորձնական մատակարարումները ցույց են տվել, որ այս հայեցակարգը դառնում է իրականություն։ Ավելին, Ուկրաինան ունի մայրցամաքում ամենամեծ ստորգետնյա գազապահեստարանները՝ մոտավորապես 30 միլիարդ խորանարդ մետր ընդհանուր տարողությամբ: Այս տարողությունները կարող են ծառայել որպես տարածաշրջանային սեզոնային բուֆեր և դառնալ նոր էներգամատակարարման ճարտարապետության տարր»,- նշել է Շմիգալը։
Ուկրաինացի պաշտոնյան ընդգծել է, որ նման համագործակցությունն առավելություն է տալիս բոլոր մասնակիցներին։
«Ադրբեջանը կամրապնդի իր հեղինակությունը որպես հուսալի մատակարար: Ուկրաինան կբարձրացնի իր կարգավիճակը որպես հիմնական տարանցիկ և սպասարկման հանգույց: Եվրոպան կստանա կայուն այլընտրանքային էներգիայի աղբյուրներ»,- հավելել է նա։
Թարգմանությունը՝ Էմմա Չոբանյանի
