Հայաստանում գազի մատակարարումների հետ կապված կարող է շատ բարդ իրավիճակ ստեղծվել․ Օվերչուկ

Լուրեր

18.11.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
18.11.2026 | 23:16
Աբրահամ Խաշմանյանը վերադարձել է մարզչական աշխատանքի
18.11.2026 | 23:03
Ադրբեջանի իշխանությունները պետք է անհապաղ և անվերապահորեն ազատ արձակեն խոսքի ազատության իրավունքն իրացնելու համար բանտարկվածներին․ Amnesty International
18.11.2026 | 22:51
Հայտնի են հոգեբանների և արտադպրոցական հաստատությունների մանկավարժների կամավոր ատեստավորման օրերը
18.11.2026 | 22:35
Հայ մարմնամարզիկները ոսկե ու արծաթե մեդալներ են նվաճել միջազգային մրցաշարում
18.11.2026 | 22:21
ՌԴ-ն Լեհաստանի տարածքում դիվերսիա էր ծրագրել՝ պատասխանատվությունը Կիևի վրա բարդելու համար․ Rzeczpospolita
18.11.2026 | 22:08
Եկեք գնանք ժողովրդին հարցնենք, մնացածն ի՞նչ կապիկություն է․ Միրզոյանը՝ Դավթյանին. ՏԵՍԱՆՅՈՒԹ
18.11.2026 | 21:55
Աստղագիտության միջազգային բաց օլիմպիադայում ՀՀ թիմն արժանացել է 6 մեդալի
18.11.2026 | 21:44
Պայմանագրային զինծառայող է մահացել
18.11.2026 | 21:35
Իսրայելի խորհրդարանը նոր խոսնակ ունի․ նրան աջակցում են Նեթանյահուի հակառակորդները
18.11.2026 | 21:24
Կոտայքի մարզում վթարային ջրանջատում կլինի
18.11.2026 | 21:13
GTA VI-ը պաշտոնապես թողարկվել է
18.11.2026 | 21:00
Փաշինյանը ԵՄ-ին անդամակցելուց խոսեց՝ բարձրացնելով Պուտինի հետ սակարկության գինը․ Նարինե Մկրտչյան․ ՏԵՍԱՆՅՈՒԹ
18.11.2026 | 20:50
ՀՀ-ն 250 մլն եվրոյի նոր վարկ է վերցնում
18.11.2026 | 20:40
Էդուարդ Բաբայանը՝ «Գործարար»-ի ցուցակով․ ով ում հետ է բացառում կոալիցիան Աբովյանում
Բոլորը

Հայաստանում երբեք այլ գազ չի լինի՝ բացի ռուսականից, և շուկայական գնի պայմաններում մատակարարումների հետ կապված իրավիճակը կարող է շատ բարդ լինել։ Այս մասին «Վեստի» հեռուստաալիքի եթերում հայտարարել է ՌԴ փոխվարչապետ Ալեքսեյ Օվերչուկը։

«Մենք շատ լավ գիտենք գազի շուկայում առկա իրավիճակը։ Այնտեղ այլ գազ, բացի ռուսականից, երբեք չի լինելու։ Ամբողջ հարցն այն է միայն, թե որտեղից է Հայաստանը ստանալու ռուսական գազը և ինչ միջնորդի միջոցով է վճարելու դրա դիմաց։ Հայաստանում իրավիճակը շատ բարդ է լինելու։ Իսկ մենք դա չենք ուզում»,- նշել է ՌԴ փոխվարչապետը։

Նա ասել է, թե Եվրոպան «նախկինի պես ռուսական գազ է ստանում»։

«Այդ պատճառով նրանք պարզապես պետք է նայեն քարտեզին։ Նայեն, թե այնտեղ ինչ գազատարներ են նույնիսկ հիմա գործում, և անմիջապես կտեսնեն՝ ումից են ստանալու ռուսական գազը։ Դե, իհարկե, արդեն հաշվի առնելով 30 տոկոս արտահանման մաքսատուրքը, այն հանգամանքը, որ դա լինելու է շուկայական գին, ինչպես նաև այն, որ միջնորդներն էլ կցանկանան ստանալ իրենց եկամտի բաժինը»,- ասել է նա։

Մի քանի օր է՝ Կրեմլի տարբեր բարձրաստիճան պաշտոնյաններ իրար հերթ չտալով խոսում են ՀՀ-ին մատակարարվող գազի գնից․ ՌԴ ԱԳՆ պաշտոնական ներկայացուցիչ Մարիա Զախարովան մայիսի 27-ին հայտարարել է՝ ռուսական կողմը տեղեկացրել է Երևանին, որ եթե ԵՄ-ին Հայաստանի անդամակցության գործընթացը շարունակվի, Մոսկվան կկասեցնի կամ կչեղարկի գազի և նավթամթերքի մատակարարման վերաբերյալ համաձայնագիրը։

«Մայիսի 27-ին Հայաստանում ՌԴ դեսպանատունը պաշտոնապես հայկական կողմին է փոխանցել Ռուսաստանի Դաշնության էներգետիկայի նախարար Սերգեյ Ցիվիլևի՝ ՀՀ Տարածքային կառավարման և ենթակառուցվածքների նախարարությանը ուղղված նամակը, որում տեղեկացվում է, որ եթե ԵՄ-ին Հայաստանի անդամակցության գործընթացը շարունակվի, ռուսական կողմը կդադարեցնի կամ միակողմանիորեն կչեղարկի ՌԴ կառավարության և ՀՀ կառավարության միջև 2013 թվականի դեկտեմբերի 2-ի՝ ՀՀ բնական գազի, նավթամթերքի և չմշակված ադամանդների մատակարարման ոլորտում համագործակցության մասին համաձայնագիրը»,- նշել է Զախարովան։

ՌԴ նախագահի մամուլի խոսնակ Դմիտրի Պեսկովն էլ նշել էր, թե Ռուսաստանի կողմից Հայաստանի համար գազամատակարարման գնի արտոնությունն ի հաշիվ Ռուսաստանի է․ «Դա մեր հաշվին է։ Պետք է իրերն իրենց անունով կոչել։ Դա մեր օգնությունն է Հայաստանին»։

ՏԿԵ նախարար Դավիթ Խուդաթյանը ավելի ուշ Factor TV-ի հետ զրույցում հաստատել է՝ նամակը ստացել են, սակայն այլ մանրամասներ դեռ չի հայտնվում։