03.08.2026 | 16:15
Կառավարությունից ու համայնքապետարաններից՝ խորհրդարան․ ովքեր են ՔՊ-ի նոր պատգամավորները
Արման Ծառուկյանը տպավորիչ հաղթանակ տարավ RAF-ում․ ՏԵՍԱՆՅՈՒԹ
31.05.2026 | 09:45
UFC-ի թեթև քաշային կարգի դասակարգման երկրորդ համար Արման Ծառուկյանը շարունակում է հաղթանակների շարքը RAF (Real American Freestyle) լիգայում։
Դալասում կայացած RAF 09 մրցաշարում հայ մարտիկն ազատ ոճի ըմբշամարտի կանոններով մրցել է ամերիկացի ըմբիշ ու բլոգեր Քիլոն Ջիմիսոնի (Mugzy) հետ ու հաղթել ժամանակից շուտ՝ 16:4 հաշվով։ Պայքարն ավարտվել է առաջին մրցափուլում։
29-ամյա Ծառուկյանն այս տարվա հունվարին է նորամուտը նշել RAF-ում, որտեղ անցկացրել է 5 մենամարտ ու տարել նույնքան հաղթանակ։ Խառը մենամարտերում Հայաստանի ներկայացուցիչը մասնակցել է 26 հանդիպման, ունի 23 հաղթանակ ու 3 պարտություն։
Քիլոն Ջիմիսոնը RAF-ում ունի 1 հաղթանակ ու կրեց երրորդ պարտությունը։
Արման Ծառուկյանը RAF-ում հաջորդ մենամարտերն անցկացնելու է UFC-ի նախկին մարտիկների հետ։ Հունիսի 13-ին մրցակիցը լինելու է ամերիկացի անվանի մարտիկ Թոնի Ֆերգյուսոնը, իսկ հուլիսի 18-ին՝ Քոլբի Քովինգթոնը։
An easy night at the office for @ArmanUfc 🤼
— Uncrowned (@uncrownedcombat) May 31, 2026
Arman def. Mugzy via tech fall in the 1st.
(via @RAFWrestlingUSA) pic.twitter.com/DHp51F0Ylv
