21.01.2026 | 20:38
Երևանում գտնվող դպրոցներից մեկի չշահագործվող մուտքի պանելային վերնածածկը փլուզվել է
Մահացել է «Թուֆենկյան» հյուրանոցի մոտ հնչած կրակոցների գործով մեղադրյալը
Հասարակություն
26.11.2018 | 15:22
Այսօր «Սուրբ Գրիգոր Լուսավորիչ» ԲԿ-ում մահացել է «Թուֆենկյան» հյուրանոցի մոտ հնչած կրակոցների գործով մեղադրյալ Ռաֆիկ Խաչատրյանը:
Factor.am-ն այս մասին տեղեկացավ Քրեակատարողական ծառայության հանրային կապերի վարչությունից։
«Նոյեմբերի 23-ին՝ ժամը 19:25-ի սահմաններում, «Սուրբ Գրիգոր Լուսավորիչ» բժշկական կենտրոնում արձանագրվել է կալանավոր Ռաֆիկ Խաչատրյանի մահը: Նախնական վարկածով՝ Տոնոյանի մահվան պատճառը «լյարդի ցիրոզ»-ն է, սակայն ավելի մանրամասն այդ հարցին հնարավոր կլինի պատասխանել դատաբժշկական փորձաքննությունից հետո»,- փոխանցեցին լրատվական ծառայությունից:
Հիշեցնենք, որ նախորդ տարի Հանրապետության 48 հասցեում գտնվող հյուրանոցի մոտ՝ 13:30-ի սահմաններում, հնչել են կրակոցներ, որի հետևանքով ստացած հրազենային վնասվածքներից մեկ անձ՝ 1974 թ. ծնված Գագիկ Մոսինյանը, մահացել էր, ևս մեկը՝ 1978թ. ծնված ալավերդցի քրեական հեղինակություն Վահագն Աբգարյանը, հրազենային վնասվածքներով տեղափոխվել էր բժշկական կենտրոն։
Ռաֆիկ Խաչատրյանին մեղադրանք էր առաջադրվել ՀՀ քրեական օրենսգրքի 104-րդ հոդվածի 2-րդ մասի 6-րդ եւ 7-րդ կետով (մի խումբ անձանց կամ կազմակերպված խմբի կողմից շատերի կյանքի համար վտանգավոր եղանակով սպանություն), ՀՀ ՔՕ 34-104-րդ հոդվածի 2-րդ մասի 1-ին կետով (երկու կամ ավելի անձանց սպանության փորձ) մասով, ինչպես նաեւ ՀՀ ՔՕ 235 հոդվածի 1-ին մասի հատկանիշներով (ապօրինի կերպով զենք կրելը, փոխադրելը, կամ պահելը):
