06.11.2026 | 09:32
«Ոչ միայն Ուկրաինան, այլև ամբողջ Եվրոպան»․ Թրամփը Պուտինի բանագնացի հետ հանդիպումից հետո «մեծ համաձայնագիր» է խոստանում
Ռուսաստանը թիրախային հարված է հասցրել թուրքական նավին
Քաղաքականություն
29.05.2026 | 13:41
Ռուսաստանի զինված ուժերը, օգտագործելով անօդաչու թռչող սարքեր, հարձակվել են Վանուատուի դրոշի ներքո նավարկող ANT բեռնատար նավի վրա, որը բեռով Օդեսայի նավահանգստից ուղևորվում էր Թուրքիա։ Նավի սեփականատեր երկիրը Թուրքիան է, հայտնել են Ուկրաինայի ռազմածովային ուժերը, գրում է DW-ի ռուսական ծառայությունը։
Նավի վրա հրդեհ է բռնկվել, որն արագորեն մարվել է։ Աձնակազմի երկու անդամ վիրավորվել է, նրանք տարհանվել են ռազմածովային ուժերի նավակներով և տեղափոխվել բժշկական հաստատություն։
«Ռուսաստանը շարունակում է նպատակային սպառնալ միջազգային ծովային փոխադրումներին՝ հարձակվելով քաղաքացիական ենթակառուցվածքների և առևտրային նավերի վրա»,- ընդգծել է Կիևը։
Մայիսի լույս 29-ի գիշերը ռուսական անօդաչու թռչող սարքերը հարձակվել են Ուկրաինայի Օդեսայի մարզի Իզմայիլ նավահանգստի վրա։
Ռումինիայի հետ սահմանի մոտ գտնվող Իզմայիլը Դանուբի ափին Ուկրաինայի ամենամեծ նավահանգիստն է և հաճախակի է դառնում ռուսական հարձակումների թիրախ։
Թարգմանությունը՝ Էմմա Չոբանյանի
