05.07.2026 | 12:05
Միշուստինը Եկատերինբուրգում բանակցություններ կվարի Փաշինյանի հետ
Սատանան միշտ մանրուքների մեջ է, ուստի այս իրավիճակը պետք է մտահոգի յուրաքանչյուրին, ով ապրում է Հայաստանում․ Արփինե Հովհաննիսյան․ ՏԵՍԱՆՅՈՒԹ
Քաղաքականություն
26.11.2018 | 14:00
Ինչո՞ւ է վարչապետը երկրի Կառավարությունը թողել և գնացել քարոզարշավի, առանց այն էլ լավ չի աշխատել որպես վարչապետ։ Նիկոլ Փաշինյանն արձակուրդ գնալով ընդունել է, որ մեր դիտողություններն ու քննադատությունները տեղին էին և ընդունել է, որ «Իմ քայլը» դաշինքի քարոզարշավն առավել կարևոր է, քան երկրի առաջ ծառացած խնդիրները։
Այսօր հրավիրված մամուլի ասուլիսի ժամանակ ասաց ՀՀԿ փոխնախագահ Արմեն Աշոտյանը՝ ընդգծելով, որ Փաշինյանը քարոզարշավին մասնակցելու կարիք չուներ, քանի որ իր թիմն առանց այն էլ հաղթելու էր այս ընտրություններին։
Ասուլիսին մասնակցող ՀՀԿ պատգամավորի թեկնածու Արփինե Հովհաննիսյանն էլ նկատեց, որ երկրում ստեղծվել է արտահերթ այնպիսի իրավիճակ, որ գուցե որոշ հարցեր շատերի համար մանրուքներ թվան, իսկ սատանան միշտ մանրուքների մեջ է, ուստի ստեղծված վիճակը պետք է մտահոգի յուրաքանչյուրին, ով ապրում է Հայաստանում։
Անդրադառնալով Կառավարության աշխատանքը առաջին փոխվարչապետի ուսերին թողնելու վարչապետի պաշտոնակատարի որոշմանը՝ Հովհաննիսյանը նկատեց․
«Արարատ Միրզոյանը լավ կանի զբաղվի կոռուպցիայի դեմ պայքարով, իր քարոզարշավով և այն ծանր բեռով, որ Նիկոլ Փաշինյանը առաջիկա երկու շաբաթների ընթացքում թողել է իր վրա։ Դեկտեմբերի 6-ը կարևոր օր է․ Արարատ Միրզոյանն անելիք ունի»,- ասաց Հովհաննիսյանը։
Մանրամասները՝ տեսանյութում։
