21.01.2026 | 22:12
Փաշինյանը մեկնեց Շվեյցարիա. Թրամփի հետ կստորագրվի «Խաղաղության խորհրդի» կանոնադրությունը
ՀՀԿ-ն չի խորշի, կընկնի դռնեդուռ՝ մարդկանց հետ խոսելու․ Արմեն Աշոտյան. ՏԵՍԱՆՅՈՒԹ
Քաղաքականություն
26.11.2018 | 13:45
Նիկոլ Փաշինյանը պատասխանատու է ինձ համար, Աշոտյանի համար, ՀՀ քաղաքացու համար, քանի որ այլևս իշխանություն է․ այսօր հրավիրված մամուլի ասուլիսի ժամանակ ասաց «Հանրապետական» կուսակցության պատգամավորի թեկնածու Արփինե Հովհաննիսյանը՝ շեշտելով, որ եթե այս գիտակցումով ընթանա նախընտրական քարոզարշավը, ապա այն կհաջողվի։
Կուսակցության փոխնախագահ Արմեն Աշոտյանն էլ նշեց, որ թեև մի շարք լրատվամիջոցներ գուժում են, որ իրենք չեն կարողանալու հասնել խորհրդարան, սակայն, վստահաբար պնդում է՝ իրենք 0 ձայն չեն հավաքի։
«ՀՀԿ-ն հավաքելու է հազարավոր ձայներ»,- ասաց Աշոտյանը՝ շեշտելով, որ իրենց հիմնական կռվանն այն գաղափարական բովանդակությունն է, որը դրված է իրենց ծրագրի հիմքում։
«Մենք ենք հիմա էլ ընկել դռնեդուռ, չենք խորշում զանգվածների հետ շփումից։ Մենք մարդկանց դռները թակելու ենք, նրանց հետ խոսելու ենք։ Մի՛ ակնկալեք մեզանից շատ մարդկանց հետ հանդիպումների կադրեր, մարդկանց հավաքական ներկայությունը չենք օգտագործելու քարոզչական տեսահոլովակների համար»,- ասաց Աշոտյանը։
Մանրամասները՝ տեսանյութում։
