Քաղաքականություն
27.05.2026 | 15:01
Ռուսաստանի կողմից Հայաստանի համար գազամատակարարման գնի արտոնությունն ի հաշիվ Ռուսաստանի է, դա Ռուսաստանի օգնությունն է եղբայրական երկրին։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը, փոխանցում են ռուսական լրատվամիջոցները։
«Արտոնությունը միշտ ինչ-որ մեկի հաշվին է։ Այսինքն՝ հայերի ստացած արտոնությունը միշտ ինչ-որ մեկի հաշվին են. դա պարզապես երկնքից չի ընկնում։ Դա Ռուսաստանի Դաշնության հաշվին է։ Սա իսկապես մեր ներդրումն է Հայաստանի զարգացման գործում, հաշվի առնելով, որ դա հայ ազգն է, մեր եղբայրական ազգը։ Դա եղբայրական երկիր է, այն եղել է և կմնա եղբայրական, բայց դա մեր հաշվին է»,- լրագրողներին ասել է Պեսկովը։
Նա Հայաստանի հետ գազային համաձայնագրի հնարավոր չեղարկման հարցն անվանել է կորպորատիվ խնդիր՝ այն վերահասցեագրել «Գազպրոմ»-ին։
«Դուք պետք է հարցնեք «Գազպրոմ»-ին այդ մասին. ինձ հայտնի չէ չեղարկման մասին։ Կա արտոնյալ գին, այն կարող է լինել ավելի բարձր կամ ցածր, և այն կարող է վերանայվել, կորպորացիաները կարող են բարձրացնել այս հարցը: Սա կորպորատիվ հարց է. դուք պետք է այն ուղղեք «Գազպրոմ»-ին»,- լրագրողներին ասել է Պեսկովը։
Հիշեցնենք, որ ավելի վաղ ռուսական «Կոմերսանտ»-ը հայտնել էր, թե Մոսկվան սպառնում է Հայաստանին գազի, վառելիքի և ադամանդի մատակարարման վերաբերյալ համաձայնագրի խզմամբ։
Թարգմանությունը՝ Էմմա Չոբանյանի
