Այս հաղթանակն ավելի կարևոր էր, քան Արցախյան ազատամարտը. Սասուն Միքայելյան. ՏԵՍԱՆՅՈՒԹ

«Մենք հաղթել ենք Արցախյան պատերազմում, բայց ես չեմ վարանի ասել՝ այս հաղթանակը, որ մեր հանրապետությունում կրեցիք դուք՝ հայ ժողովուրդը, ավելի կարևոր էր, քան Արցախյան ազատամարտը, որովհետև այն հաղթանակը կատարվեց մեր ազգի քաջորդիների շնորհիվ, այն հաղթանակի արդյունքը պետք է տեսներ մեր հայ ժողովուրդը, սակայն նախկին իշխանությունները թույլ չտվեցին: Մեր ժողովուրդը չհասկացավ մեր հաղթանակի գինը, մեր ժողովուրդը չպատկերացրեց՝ մարդիկ ինչի համար գլուխները դրեցին զոհասեղանին»,- այսօր Թալին քաղաքում մեկնարկած քարոզարշավին հարթակից ելույթ ունենալով՝ հայտարարեց ՔՊ վարչության անդամ, ազատամարտիկ Սասուն Միքայելյանը:

Ըստ նրա՝ նորագույն պատմության մեջ հայ ժողովուրդը հասավ այն գագաթնակետին, որին հասնելն անհնար էր թվում: «Եկել է ժամանակը մեր հաղթանակներով և մեր տեսակով գնալու դեպի փայլուն ապագա, և դա պետք է արվի յուրաքանչյուրի ձայնի շնորհիվ»,- նշեց Միքայելյանը:

Ապա անդրադարձավ վարչապետի պաշտոնակատար Նիկոլ Փաշինյանի ելույթին՝ այն որակելով պարզ մի ելույթ, որը ժամանակին ոչ մի ձև հասանելի չէր ժողովրդին. «Ժողովուրդը չէր պատկերացնում, որ միշտ ասում էինք՝ մի անգամ դուրս եկեք, այդ քաջ նազարներին լարենք Հայաստանից, այժմ ձեր համախմբվածության արդյունքում քաջնազարները գնացին, եկել է գյուղացու, հասարակ մարդու ապրելու, արարելու ժամանակը: Նախկին սատկած կռիսները քայլեր են անում, բայց դուք ձեր քվեով պիտի ամրապնդեք վաղվա օրը»:

Մանրամասները՝ տեսանյութում: