09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Քարոզարշավը պաշտոնապես մեկնարկեց. ի՞նչ է սպասվում այս 12 օրերի ընթացքում
Քաղաքականություն
26.11.2018 | 10:50
Այսօր՝ նոյեմբերի 26-ին, պաշտոնապես մեկնարկեց դեկտեմբերի 9-ին սպասվող արտահերթ խորհրդարանական ընտրությունների նախընտրական քարոզարշավը:
Արտահերթ ընտրություններին մասնակցելու հայտ են ներկայացրել ընդհանուր առմամբ 11 քաղաքական ուժ՝ ինը կուսակցություն և երկու կուսակցությունների դաշինք:
Այդ քաղաքական ուժերն են՝ «Իմ քայլը» և «Մենք» դաշինքները, ՀՀԿ, ՀՅԴ, ԲՀԿ, «Լուսավոր Հայաստան», ՕԵԿ, «Քաղաքացու որոշում», «Սասնա Ծռեր», «Ազգային առաջընթաց» և «Քրիստոնյա-ժողովրդական վերածնունդ» կուսակցությունները:
Այս ուժերն ունեն ընդամենը 12 օր քարոզարշավ անցկացնելու և իրենց ասելիքն ընտրողին հասցնելու համար: Թե որքանով ծրագրային և գաղափարական քարոզարշավ կընթանա, դժվար է ասել, բայց մինչ քարոզարշավի պաշտոնական մեկնարկն արդեն իսկ լարված իրավիճակ էր տիրում քաղաքական ուժերի շրջանում:
Մասնավորպես՝ նրանցից որոշները իշխող ուժին մեղադրում են վարչական ռեսուրսի կիրառման մեջ: Փաշինյանը, մինչդեռ, հակադարձում է՝ բոլորն ազատ են իրենց քայլերն ու գործողություններն իրականացնել այնպես, ինչպես ցանկանում են:
Նշենք, որ արտահերթ ընտրությունները տեղի կունենան հին Ընտրական օրենսգրքով, պահպանվել է նախկին իշխանությունների կողմից ներդրված, այսպես կոչված, ռեյտինգային ընտրակարգը: Հենց սա էլ պատճառ դարձավ, որ ընտրապայքարին չմասնակցեն այնպիսի քաղաքական ուժեր, ինչպիսին ՀԱԿ-ն է, «Ժառանգությունը» և այլն:
Հավելենք նաև, որ քաղաքական ուժերի պայքարը, բացի «Իմ քայլը» դաշինքից ընթանալու է ընդդիմադիր դաշտում դիրքավորվելու համար:
