01.07.2026 | 22:57
ԱԺ պատգամավորի երդման տեքստը կփոփոխվի․ օրենքի նախագիծը դրական եզրակացություն է ստացել
ՆԱԽԸՆՏՐԱԿԱՆ ԲԱՆԱՎԵՃ․ Ինչպե՞ս կարող են երիտասարդները ճեղքել «հին դեմքերի» քաղաքական դաշտը
Քաղաքականություն
22.05.2026 | 21:30
Երիտասարդներն այսօր կանգնած են լուրջ մարտահրավերների առաջ՝ սկսած որակյալ կրթությունից ու աշխատանք գտնելուց, մինչև բնակարանային ապահովվածություն, սեփական երկրում պոտենցիալն ու տաղանդն իրացնելու հնարավորություններ։
Այսօր Հայաստանում երիտասարդի ուսերին է դրված ոչ միայն սեփական ապագան կառուցելու, այլ նաև պետության անվտանգությունն ու սահմանները պահելու ծանր, պատասխանատու բեռը։ Եվ սա այն դեպքում, երբ ինչպես առկա են անվտանգային մտահոգություններ, մայրաքաղաքի և մարզերի միջև զարգացման հնարավորությունների խորը տարբերություն։ Հեռանկարի բացակայությունը շատերին ստիպում է երիտասարդ տարիքում լավ կյանք որոնել Հայաստանից դուրս։
Արդյո՞ք մեր քաղաքական դաշտն առաջարկում է այնպիսի լուծումներ, որոնք երիտասարդին կդարձնեն Հայաստանի կառավարման իրական մասնակից, այլ ոչ թե պարզապես ընտրազանգված։
Ի՞նչ են առաջարկում քաղաքական ուժերը մեր երկրի ամենաակտիվ, բայց հաճախ ամենախոցելին հանդիսացող այս զանգվածին։ Factor TV-ում հրավիրված բանավեճին մասնակցում են Լևոն Չուկակլյանը՝ «Միասնության թևեր» կուսակցության պատգամավորի թեկնածու, Շուշան Ավագյանը՝ «Լուսավոր Հայաստան» կուսակցության պատգամավորի թեկնածու, Արամ Քոչարյանը՝ «Բոլորին դեմ եմ» կուսակցության պատգամավորի թեկնածու, Մամիկոն Կանոյանը՝ «Հայ ազգային կոնգրես»-ի պատգամավորի թեկնածու, Գրիգոր Հարությունյանը՝ «Ռեֆորմիստներ» կուսակցության պատգամավորի թեկնածու։
Հաղորդումն ամբողջությամբ՝ տեսանյութում։
Ռոբերտ Անանյան
