22.05.2026 | 19:33
Պարզ է` իր այն թիմակիցն է ինֆորմացիա փոխանցել,ում հետ մտերիմ է. Հակոբյանը` Թևանյանի մասին. ՏԵՍԱՆՅՈՒԹ
Այսօր ոչ թե ավարտում ենք մարտի 31-ին սկսած երթը, այլ սկսում ենք նորովի, որովհետև մեր երթի հաջորդ փուլը շատ ավելի կարևոր է. Նիկոլ Փաշինյան
Քաղաքականություն
24.11.2018 | 11:21
«Այսօրվա մեր երթը ամփոփումն է այն քայլարշավի, որ մենք իրար հետ սկսեցինք մարտի 31-ին՝ Գյումրիի Վարդանանց հրապարակից, և մենք այսօր ոչ թե ավարտում ենք այդ երթը, այլ սկսում ենք նորովի, որովհետև մեր երթի հաջորդ փուլը շատ ավելի երկար է և շատ ավելի կարևոր: Եվ մենք, ինչպես պատվով և հաղթանակով անցանք մեր քայլարշավի առաջին փուլը, նույնպես մենք պետք է անցնենք հետագա փուլերը»,- քայլերթի ժամանակ դիմելով քաղաքացիներին, ասաց ՀՀ վարչապետի պաշտոնակատար Նիկոլ Փաշինյանը՝ նշելով, որ հաջորդ փուլը տնտեսական հեղափոխությունն է:
«Մենք ձեզ խոստացանք, որ Հայաստանում արմատախիլ կարվի ընտրությունները կեղծելու, ընտրակաշառք բաժանելու, մարդկանց ճնշումների ենթարկելու պրակտիկան ու Երևանի ավագանու ընտրությունների արդյունքներով այդ պարտավորությունը լիարժեք կատարված է: Խոստացել էինք, որ Հայաստանում արմատախիլ կարվեն մենաշնորհները, ու այսօր Հայաստանի ոչ մի շուկայում չկա մուտքի որևէ խոչընդոտ, այդ պարտավորությունը լիարժեք կատարված է»,- խոստացած ու կյանքի կոչած մյուս պարտավորությունները թվարկելով՝ ասաց Փաշինյանը, ապա ընդգծեց, որ մանդատը կրկին ստանալու պարագայում կառավարությունն իր ստանձնած պարտավորությունները կշարունակի կատարել:
